AP
U vyniku dvuch vybuchaŭ u tureckaj stalicy zahinuli 30 čałaviek, 126 atrymali ranieńni. Hetyja dadzienyja apublikavała ministerstva ŭnutranych spraŭ Turcyi.
«Kala 10:04 ranicy 10 kastryčnika pa nieŭstalavanaj pakul pryčynie adbylisia dva vybuchi pierad Čyhunačnym vakzałam Ankary, dzie sabralisia ŭdzielniki mitynhu. Pa najaŭnych dadzienych, 30 čałaviek zahinuli, 126 našych hramadzian paciarpieli. Paciarpiełyja praciahvajuć lačeńnie ŭ roznych špitalach horada», - havorycca ŭ zajavie.
Vybuchi prahrymieli ź intervałam u niekalki siekund u rajonie estakady, jakaja viadzie da centralnaha čyhunačnaha vakzała. Tam hetaj ranicaj tam pačali źbiracca aktyvisty prafsajuznych abjadnańniaŭ dla ŭdziełu ŭ mitynhu ŭ padtrymku miru i suprać teraryzmu.
Ułady nie vyklučajuć viersiju pra terarysta-śmiarotnika, a taksama pra vierahodnaść taho, što ŭ zonie vybuchu moža być zakładziena jašče adna bomba. Miesca incydentu całkam ačeplena i vyzvalena ad ludziej, ŭnutry ačapleńnia pracujuć śpiecyjalisty. Vybucham razburany tratuary, naniesienyja paškodžańni elemientaŭ kanstrukcyi estakady, budynku vakzała, niekalkim mašynam.
Vidavočcy adznačali, što palicyja vystaviła ačapleńnie, praź jakoje prapuskała udzielnikaŭ mitynhu, nadhladajučy ich, tamu viersija pra śmiarotnikaŭ, na ich dumku, dastatkova słabaja. Miesca vybuchu i padjaznyja šlachi da jaho ačeplenyja, tam pracujuć miedyki i palicyja.
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary