List čytača: «Centrvybarkam, nie turbujcie mianie sms-spamam»
Jarmošynaj Ł.M., staršyni CVK list
Spn. Ł.M. Jarmošyna!
8 i 9 kastryčnika 2015 h. na maje mabilnyja – MTS i Velcom adpaviedna – numary pryjšli sms-paviedamleńni nastupnaha źmiestu: «Iźbiratiel! Primi učastije v vyborach! Tvoj hołos važien! Cientriźbirkom».
U suviazi z hety ŭ mianie asabista ŭźnikła niekalki pytańniaŭ.
1) Na jakoj padstavie maje miesca rassyłańnie padobnych paviedamleńniaŭ? Čym ź jurydyčnaha boku heta abhruntavana?
2) Ci maje CVK niejkija damovy z mabilnymi apieratarami pa pradastaŭleńni numaroŭ hramadzianaŭ?
3) Za čyj košt adbyvajecca hetaje rassyłańnie? Kali ŭličyć, što vybarčyšykaŭ niekalki miljonaŭ, dyk atrymlivajecca salidnaja suma.
Chaciełasia b dadać nastupnaje. Ź dziaržaŭnych srodkaŭ masavaj infarmacyi štodzień čujecca pra nieabchodnaść udziełu ŭ vybarach, u paštovych skryniach možna adšukać adpaviednyja zaprašeńni, našy «zorki» zaklikajuć pryjści na vybary dziela «stabilnosti i błahopołučija». Dyk navošta jašče ŭryvacca ŭ asabistuju prastoru čałavieka? Darečy, taki zaklik u impieratyŭnym styli, da jašče i na «ty» zrobleny nastolki prymityŭna, što, naadvarot, adbivaje ŭsialakuju achvotu iści na vybary. Možna ž źviarnucca da prafiesijnych palittechnołahaŭ, jakija b vynajšli najbolš pryvabnuju formu.
Ci možna nie dasyłać mnie bolš padobnyja paviedamleńni, bo nie płanuju ŭdzieł ni ŭ ciapierašnich prezidenckich, ni ŭ budučych parłamienckich i inšych vybarach? Uniasicie maje mabilnyje numary ŭ «čorny śpis» i bolš nie turbujcie padobnym spamam.
-
Statkievič: Nastupnaje «akno mahčymaściaŭ» moža być apošnim dla biełarusaŭ
-
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać
-
Biełarus pra adstaŭku Fiodarava: Viera ŭ niepahrešnaha technakrata nievykaranialnaja
Kamientary