Drama pra toje, jak stvarałasia Biełaruskaja Narodnaja Respublika
Napiaredadni 25 sakavika «Zhurtavańnie biełarusaŭ śvietu «Baćkaŭščyna» vypuściła dva drukavanyja vydańni, źviazanyja z historyjaj Biełaruskaj Narodnaj Respubliki: novuju pjesu dramaturha, publicysta, zasłužanaha rabotnika kultury Biełarusi, kandydata histaryčnych navuk Alesia Pietraškieviča «Priłaskať i uničtožiť» i kalandar da 90‑hodździa BNR.
U pjesie «Priłaskať i uničtožiť» aŭtar zakranaje historyju stanaŭleńnia ašaj dziaržaŭnaści i raspaviadaje pra toje, jak stvarałasia BNR.
Aleś Pietraškievič kaža, što ideja napisańnia knihi naradziłasia 20 hod tamu.
«Heta pisałasia nie da jubileju, prosta tak atrymałasia, što mienavita na jubilej hety tvor pabačyŭ śviet. Historyja źviazanaja z BNR — heta trahičnaja padzieja našaj historyi. Kali raniej byli achviary, represija suprać revalucyjanieraŭ, to heta katastrofa rycarskaj mary, mary ab śvietłaj budučyni. Mnie zdavałasia, što heta u pieršuju čarhu žanr dramaturhičny, a dramatyčnyja padziei važna zrabić emacyjna. I mienavita ŭ dramaturhii heta možna zrabić najbolš jaskrava, bo kali pjesa pastaŭlena — heta sintes aŭtara, aktoraŭ, režysiora, śviatła teatralnaha i adčuvańniaŭ hledačoŭ. Kali kažuć, što ŭ vajnu cara Alaksieja Michajłaviča z VKŁ byŭ złamany chrybiet histaryčny, to tut złamany los naroda. Bo nieviadoma, jak by skłałasia historyja nadalej, moža i nie było b Vialikaj ajčynnaj vajny. Kali b chapiła rozumu Piłsudskamu i Kajzieru pryznać navastvoranuju Biełaruś, i Jeŭropie chapiła rozumu pryznać respubliki, to my b, viadoma, byli b nie takimi i zaraz by žyli ŭ inšaj krainie. Ale historyja nie cierpić uskosnaha skłonu».
Pabačyć knihu možna na siadzibie BNF i knihi.net
Kamientary