Kryminalny sud nad Sałaŭjovaj pieranosicca na 8 krasavika
Dziaŭčyna była zatrymanaja padčas śviatkavańnia Dnia Voli, a na nastupny dzień asudžanaja na piać sutak aryštu.
Siońnia ŭ połackim haradzkim sudzie a 15-aj hadzinie musiŭ pačacca razhlad kryminalnaj spravy moładzievaj aktyvistki Kasi Sałaŭjovaj. Adnak praces pieranosicca na niapeŭny termin, bo 25 sakavika dziaŭčynu zatrymali padčas śviatkavańnia Dnia Voli, a na nastupny dzień asudzili na 5 sutak aryštu.
«Sud nia moža adbycca siońnia z prostaj pryčyny – adsutnaść abvinavačanaj. Ja ŭžo nakiravaŭ adpaviednyja papiery ŭ połacki sud, što Sałaŭjova była asudžanaja pavodle administracyjnaha pratakołu i ciapier adbyvaje pakarańnie. Mahčyma, što datu pačatku sudovaha pracesu nazavuć jašče siońnia», – kaža advakat dziaŭčyny Alaksandar Halijeŭ.
Kasiu Sałaŭjovu, jakuju 23 studzienia 2008 h. vyklučyli z Połackaha dziaržaŭnaha ŭniversytetu, dzie jana navučałasia na 2-m kursie historyka-filalahičnaha fakultetu, abvinavačvajuć u parušeńni art. 193-1 Kryminalnaha kodeksa RB "Udzieł u niezarehistravanaj arhanizacyi" ("Małady front").
Pavodle hetaha artykułu ŭžo sudzili dziesiać maładafrontaŭcaŭ. Tolki kiraŭnik MF Źmicier Daškievič u listapadzie 2006 hodu atrymaŭ pa hetym artykuł termin źniavoleńnia (1,5 hady), inšyja abychodzilisia štrafami i papiaredžańniami.
***
Paźniej sudździa Marozava pryniała rašeńnie pieranieści razhlad spravy na 8 krasavika. Pačatak a 10:30.
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary