Złučanyja Štaty ŭ bližejšy čas pierakinuć ŭ Irak elitnuju 101-ju pavietrana-desantnuju dyviziju, jakaja voźmie ŭdzieł u bajach suprać «Isłamskaj dziaržavy» (ID).
Pra heta havorycca ŭ artykule ministra abarony ZŠA Eštana Kartera, apublikavanaj u vydańni Politico.
Jon zhadaŭ, što ŭžo abmierkavaŭ płan z vyšejšym kamandavańniem uzbrojenych sił ZŠA, a taksama ŭzhadniŭ jaho z sajuźnikami padčas sustrečy ŭ Paryžy, na jakoj prysutničali pradstaŭniki Francyi, Aŭstralii, Hiermanii, Italii, Niderłandaŭ i Vialikabrytanii.
Pry hetym Karter papiaredziŭ, što zamianić irakskija vojski ŭ bajach suprać isłamistaŭ amierykancy nie zmohuć. «Tolki miascovyja siły mohuć nanieści ID kančatkovuju parazu, zaniać i zabiaśpiečyć kantrol nad terytoryjaj, zavajavać davier nasielnictva ŭ vyzvalenych rajonach», — padkreśliŭ ministr.
Taksama Karter zhadaŭ pra toje, što apošnim časam bajeviki sutyknulisia z surjoznymi finansavymi ciažkaściami.
ZŠA ŭznačalvajuć mižnarodnuju kaalicyju, u jakuju ŭvajšli 65 dziaržaŭ, pa baraćbie ź ID. Sa žniŭnia 2014 hoda siły aljansu nanosiać avijaŭdary pa pazicyjach terarystaŭ. Rasijskija pavietrana-kaśmičnyja siły taksama akazvajuć padtrymku siłam prezidenta Siryi Bašara Asada z 30 vieraśnia 2015 hoda.
Kamientary