Parłamienckaja asambleja Rady Jeŭropy (PARIE) ŭchvaliła siońnia na siesii ŭ Strasburhu rezalucyju, nakiravanuju na aktyvizacyju baraćby ź pieravozčykami nielehalnych mihrantaŭ. Tekst rezalucyi zasnavany na dakładzie pradstaŭnika Hruzii Iraklija Čykavani «Arhanizavanaja złačynnaść i mihranty».
U rezalucyi padkreślivajecca, što «mižnarodnaje supracoŭnictva i abmien raźviedvalnymi dadzienymi hrajuć asablivuju rolu ŭ zabieśpiačeńni efiektyŭnaj baraćby suprać dziejańniaŭ złačynnych hrupovak, źviazanych ź nielehalnaj pieravozkaj mihrantaŭ».
«Nieabchodna raspracavać novyja i hłabalnaha charaktaru miery, jakija dazvolać nanieści ŭdar pa ŭsich ekanamičnych i finansavych aśpiektach dziejańniaŭ takich hrupovak, u pryvatnaści pa admyvańni hrošaj praź internet i podkup dziaržaŭnych słužačych», — havorycca ŭ rezalucyi PARIE.
U Radzie Jeŭropy ličać, što varta prykłaści ŭsie namahańni da taho, kab dziejnaść złačynnych hrupovak, «jakaja źjaŭlajecca ŭ ciapierašni čas małaryzykoŭnaj i vysokaprybytkovaj, apynułasia ŭ dalejšym ryzykoŭnaj i małaprybytkovyja». U hetaj suviazi parłamientaryi zaklikali krainy — siabry Rady Jeŭropy ratyfikavać i realizavać na spravie pałažeńni kanviencyj AAN i RIE, jakija tyčacca baraćby suprać transnacyjanalnaj złačynnaści i admyvańnia finansavych srodkaŭ. «Što tyčycca Jeŭrapiejskaha sajuza i krain, jakija ŭ jaho ŭvachodziać, to im naležyć u poŭnaj miery realizavać płan dziejańniaŭ suprać arhanizavanaj nielehalnaj pieravozki mihrantaŭ», — padkreślivajecca ŭ rezalucyi.
U PARIE ličać važnym, kab urady krain arhanizacyi «raspracavali i efiektyŭna ažyćciaŭlali ceły śpiektr mietodyk pa rasśledavańni i sudovaha pieraśledu pieravozčykaŭ mihrantaŭ». Kampietentnyja orhany pavinny vałodać lehalnaj mahčymaściu aryštoŭvać, kanfiskoŭvać i ahladać materyjalnyja abjekty, jakija prymianiajucca dla złačynnych pieravozak. Taksama jany pavinny mieć šyrokija mahčymaści pa pierachopie pieramoŭ i pierapiski, havorycca ŭ rezalucyi PARIE.
-
Šviejcaryja vystupiła suprać abmiežavańnia kolkaści nasielnictva
-
Epatažny śpiavak Oliver Tree i jašče piać čałaviek zahinuli ŭ Brazilii paśla sutyknieńnia viertalotaŭ
-
Pucin pavinšavaŭ Trampa z 80‑hodździem i zajaviŭ, što čakaje Zialenskaha ŭ Maskvie. Kreml śćviardžaje, što prezident ZŠA paabiacaŭ uździejničać na Kijeŭ
Kamientary