NASA paviedamiła pra nabližeńnie da Ziamli asteroida, jaki pa charaktarystykach padobny da znakamitaha čelabinskaha mietearyta.
Jak havorycca na aficyjnym sajcie NASA, kaśmičnaje cieła 2013 TX68 nablizicca da płaniety Ziamla na adlehłaść 17 tys.km (maksimalna blizka) 5 sakavika 2016 hoda. Dyjamietr patencyjna niebiaśpiečnaha dla Ziamli kaśmičnaha cieła dasiahaje 30 mietraŭ.
Ciapier asteroid znachodzicca na adlehłaści 14 młn km ad płaniety. Mahčymaść sutyknieńnia asteroida ź Ziamloj małaja, supakojvajuć śpiecyjalisty.
Navukoŭcy adznačyli, što ŭ 2016 hodzie 2013 TX68 nie sutykniecca ź Ziamloj, a voś 28 vieraśnia 2017 hoda imaviernaść taho, što asteroid upadzie na płanietu, padvyšajecca da 0,000000004%.
U NASA paličyli, što kali katastrofa ŭsio-tki adbudziecca, u atmaśfiery Ziamli vyzvalicca ŭ dva razy bolš enierhii, čym pry sutyknieńni Ziamli z čelabinskim mietearytam. Hetaha całkam chopić dla źniščeńnia bujnoha horada ci kanhłamieracyi.
Asteroid 2013 TX68 byŭ adkryty ŭ kancy 2013 hoda pry dapamozie Katalinskaha niabiesnaha ahladu.
Čelabinski mietearyt upaŭ na horad Čelabinsk 15 lutaha 2013 hoda. Jaho chutkaść ruchu była roŭnaja 20 km/s. Pamier niabiesnaha cieła składaŭ 17 m u dyjamietry, a masa kala 10 tys. t. Ad udarnaj chvali vokny budynkaŭ raźbilisia na drobnyja askiepki, bolš za tysiaču čałaviek źviarnulisia ŭ balnicy sa šmatlikimi parezami i ŭdarami.
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary