9 krasavika, dvojčy byŭ uzłamany sajt hramadzkaj arhanizacyi “Achova ptušak Baćkaŭščyny” (APB). Pieršy raz dziakujučy dapamozie absłuhoŭvajučaj sajt kampanii atrymałasia davoli chutka uznavić jaho narmalnuju pracu. Adnak uviečary sajt znoŭ byŭ uzłamany i zamiest navinaŭ raźmieščany malunki stylizavanaha dziciačaha trupa.
I kali paśla pieršaha ŭłamańnia možna było jašče dumać pra kiepski žart, to ciapier padazreńni rezka zvužajucca.
Sprava ŭ tym, što z kanca hoda APB razam ź inšymi hramadzkimi arhanizacyjami Biełarusi raspačała nacyjanalnuju kampaniju za zabaronu viasnovaha palavańnia na husiej i kačak – u toj čas, kali ptuški laciać na miescy hniezdavańnia abo ŭžo hniazdujuć. Akramia niekatorych rehijonaŭ Rasiei, naša kraina adzinaja ŭ Eŭropie, dzie takoje palavańnie zastajecca zakonnym. “Naša Niva” ŭžo paviedamlała na svaim sajcie, jak da hetaj kampanii dałučylisia muzyki z “Krambambuli”, N.R.M. i Viktar Šałkievič.
Prykładna ŭ pačatku lutaha na forumie adnaho z sajtaŭ biełaruskich palaŭničych źjavilisia pieršyja pahrozy začynić APB. Dalej pra mahčymaść hetaha nieadnarazova pačali namiakać palaŭničyja i na forumie APB. U apošnim infarmacyjnym biuleteni “Achovy ptušak”, jaki byŭ razasłany dvum tysiačam jaje siabroŭ u pačatku krasavika, było adznačana, što ŭžo sabrana bolš za 10 tysiač podpisaŭ za zabaronu viasnovaha palavańnia i što kampanija praciahvajecca.
I voś ciapier chakierskija ataki na sajt www.ptushki.org . Chto baicca aktyŭnaj dziejnaści pa achovie ptušak? Kamu pieraškadžaje APB – najbujniejšaja ŭ Biełarusi pryrodaachoŭnaja NDA i najbolš paśpiachovaja navat siarod krain Uschodniaj Eŭropy?
Dumaju, što zacikaŭlenyja ŭ pieraškodzie dziejnaści našaj arhanizacyi asoby pačali ažyćciaŭlać svaje pahrozy z takich voś virtualnych “papiaredžańniaŭ”.
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy14
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary