Uspaminy rasijskaj madelki: «Bierazoŭski chacieŭ zrabić z Łukašenki jakasnaha jeŭrapiejskaha lidara»
Partał «Snob» i rasijski miljanier Piotr Avien, jaki na pačatku 1990-ych byŭ ministram zamiežnych ekanamičnych suviaziaŭ Rasii, padrychtavali cykł hutarak da 70-hodździa pamierłaha aliharcha Barysa Bierazoŭskaha.
Adno ź intervju Avien zrabiŭ z madellu «Darjaj K.», jakaja była zaručanaja ź Bierazoŭskim u 2010 hodzie.
Pa jaje słovach, Bierazoŭski znajšoŭ jaje ŭ madelnym ahienctvie i pieršapačatkova płanavaŭ paznajomić z Alaksandram Łukašenkam, a paśla zakachaŭsia i pakinuŭ sabie.
Razam z aliharcham Darja nieadnarazova naviedvała Biełaruś.
Pa słovach Darji, Bierazoŭski vielmi chacieŭ viarnucca ŭ Rasiju. «Tamu i šmat času pravodziŭ u Biełarusi, ułasna kažučy. Pra Łukašenku što ja mahu skazać? Jon u lubym vypadku lubić svaju krainu i sprabuje dla jaje zrabić maksimum, ale jon bolš padobny da staršyni kałhasa niejkaha», – razvažaje Darja.
Madel kaža, što Bierazoŭski sprabavaŭ źmianić vyhlad Łukašenki: «Jon, nakolki ja viedaju, pierašyvaŭ jamu kaściumy, prybiraŭ plečyki. Vyklikaŭ niejkich svaich kraŭcoŭ. Uvohule, jon chacieŭ zrabić ź jaho takoha jakasnaha jeŭrapiejskaha lidara, pa ŭsich paramietrach».
Što da palityčnych pierśpiektyvaŭ, to Bierazoŭski, imknučysia prybrać Pucina, maryŭ stvaryć «niejki sajuz, jaki nie ŭvachodzić ŭ Jeŭropu i suprać Rasii». U hetaje abjadnańnie musili ŭvachodzić Ukraina, Biełaruś i Hruzija.
-
Na Biełastoččynie prajšoŭ fiestyval biełaruskaj tradycyi Soncahraj FOTY
-
Žonka Alaksandra Milinkieviča raskazała pra jahony stan: pamiać zachavałasia, ale z ruchalnym aparatam vialikija prablemy
-
«Ja ŭ kałonii byŭ bolš volny». Były palitviazień Tamaz Pipija raskazaŭ pra 6 hadoŭ za kratami i novuju paranaidalnuju biełaruskuju realnaść
Kamientary