Chresny chod u Bieraści moh by skončycca trahiedyjaj, kab nia pilnaść dy achviarnaść inspektara DAI, jaki supravadžaŭ pracesiju na aŭtamabili.
Hibiel mnohich ludziej, udzielnikaŭ chresnaha chodu, niesumnienna, papiaredziŭ 36‑hadovy inspektar Dziaržaŭtainspekcyi Bieraścia. U druhoj pałovie dnia ŭ niadzielu z horadu nad Buham rušyŭ chresny chod u honar abjadnańnia Pravasłaŭnaj carkvy. Jaho ździajśniajuć usiaho 200 čałaviek. Pravasłaŭnyja biełarusy projduć cieraz usiu respubliku i abjadnajucca z inšymi ŭdzielnikami mierapryjemstva ŭ Bransku.
Kala 15 hadzin vierniki vyrašyli zrabić prypynak u rajonie Bulkoŭskaha masta. Pry hetym, pieršyja ŭžo spynilisia, a tyja, što zamykali kalonu, jašče ruchalisia. Pracesiju zzadu supravadžaŭ aŭtamabil DAI. U niejki momant milicyjaner u lusterka zaŭvažyŭ inšamarku, jakaja imčała na poŭnaj chutkaści. Na rozdum byli doli sekundy, i milicyjaner zaharadziŭ darohu parušalniku svaim aŭtamabilem. Možna tolki ŭjavić, kolki było b achviaraŭ, kab hetaha nia zdaryłasia. Aŭtainspektar atrymaŭ zakrytuju čerapna‑mazhavuju traŭmu, vadziciel «Forda» i jaho pasažyrka nie paciarpieli.
-
U Minsku ŭ 72‑hadovaha piensijaniera znajšli patrony, porach i vintoŭku z hłušycielem
-
U Naroŭli na pažary zahinuli 73‑hadovaja piensijanierka i dvoje jaje praŭnukaŭ — 5‑hadovaja dziaŭčynka i 10‑hadovy chłopčyk
-
U Čerykaŭskim rajonie mikraaŭtobus sutyknuŭsia ź lesavozam. Zamiest mašyny kuča mietałałomu, kiroŭca zahinuŭ
Kamientary