Aktyvistka tadžykskaj apazicyi Šabnam Chudajdodava 22 lutaha vyzvalenaja sa śledčaha izalatara Bresta. Pra heta paviedamiŭ brescki pravaabaronca Raman Kiślak, jaki adsočvaŭ los zatrymanaj.
Hramadzianka Tadžykistana Šabnam Chudajdodava była zatrymanaja 13 červienia 2015 hoda na čyhunačnaj stancyi Brest-Centralny pa šlachu ŭ Polšču. Paśla taho jak było ŭstanoŭlena, što Chudajdodava znachodzicca ŭ miždziaržaŭnym vyšuku, pamiežniki pieradali jaje dla dalejšaha razhladu supracoŭnikam AUS na transparcie UUS Bresckaha abłvykankama. Pravaabaronca była źmieščana spačatku ŭ izalatar časovaha ŭtrymańnia Leninskaha RAUS Bresta, a paźniej — u śledčy izalatar.
Paśla zatrymańnia Chudajdodava źviarnułasia da biełaruskich uładaŭ z chadajnictvam dać joj prystanišča. Da vyrašeńnia pytańnia ab statusie zatrymanaj pracedura vydačy ŭ Tadžykistan prypynienaja. «Zychodziačy z taho, što Chudajdodavu vyzvalili, možna mierkavać, što jana atrymała status biežanca ŭ našaj krainie. Pa zakonie infarmacyja ab pradastaŭleńni takoha statusu ŭładami nie raskryvajecca ŭ intaresach samoha biežanca. Ab atrymańni takoha statusu moža raspavieści tolki sam biežaniec pry žadańni. Dzie jana znachodzicca ciapier, my paviedamić nie možam u metach jaje biaśpieki», — rastłumačyŭ brescki pravaabaronca.
Kiślak adznačyŭ, što, pavodle infarmacyi pahraničnikaŭ, Chudajdodava znachodzicca ŭ miždziaržaŭnym vyšuku za ekstremisckuju dziejnaść na terytoryi svajoj krainy. «Toje, što Chudajdodava na terytoryi Tadžykistana nie zajmałasia ekstremisckaj dziejnaściu, lohka pravieryć. Jana dałučyłasia da «Hrupy 24», znachodziačysia ŭžo na terytoryi Rasijskaj Fiederacyi, dzie pražyvała ŭ apošnija hady. Z taho momantu jana ni razu nie była ŭ Tadžykistanie. Usie, što jana rabiła, heta krytykavała tadžykskija ŭłady za palityku, jakaja imi pravodzicca», — padkreśliŭ Kiślak.
Jon nahadaŭ, što ŭłady Tadžykistana abviaścili arhanizacyju «Hrupa 24» ekstremisckaj u kastryčniku 2014 hoda. Z taho času šerah aktyvistaŭ hetaj hrupy byli zatrymanyja, vykradzienyja ci zabityja.
Ciapier čytajuć
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie16
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1010
Kamientary