Supracoŭnikami hałoŭnaha ŭpraŭleńnia kryminalnaha vyšuku MUS Biełarusi sumiesna z kalehami z HUUS Minharvykankama i Savieckaha RUUS stalicy va ŭzajemadziejańni sa śledčymi i ekśpiertami raskryta dziorzkaje abrabavańnie juvielirnaha sałona «Ženieŭ». Śpiecapieracyja pa zatrymańni padazravanych prachodziła pry padtrymcy bajcoŭ śpiecpadraździaleńnia MUS «Ałmaz». Pra heta paviedamiła Ministerstva ŭnutranych spraŭ.
Razbojny napad na juvielirny sałon pa vulicy Surhanava ŭ Minsku byŭ učynieny 16 studzienia. Troje nieviadomych u maskach uvarvalisia ŭ kramu, raźbili vitryny i vykrali 115 kaštoŭnaściaŭ na sumu kala 580 młn. rubloŭ. Zatrymać złamyśnikaŭ pa haračych śladach nie ŭdałosia.
«Da raskryćcia złačynstva padklučylisia lepšyja syščyki MUS i haradskoj milicyi. Padčas praviadzieńnia apieratyŭna-vyšukovych mierapryjemstvaŭ i apytańnia vidavočcaŭ udałosia ŭstanavić prykmiety padazravanych, a taksama koler i marku aŭtamabila, na jakim jany pieramiaščalisia», — raspavioŭ načalnik hałoŭnaha ŭpraŭleńnia kryminalnaha vyšuku MUS pałkoŭnik milicyi Anatol Sakovič.
Udzielnikami napadu akazalisia troje žycharoŭ Hrodzienskaj vobłaści va ŭzroście ad 21 da 23 hadoŭ.
Adzin ź ich žyŭ u Minsku na zdymnaj kvatery. Raniej zatrymanyja nie mieli prablem z zakonam i pryciahvalisia tolki da administracyjnaj adkaznaści pa linii DAI.
Ciapier z zatrymanymi pracujuć śledčyja. Viadoma, što praktyčna ŭsie vykradzienyja juvielirnyja ŭpryhažeńni nalotčyki schavali doma.
Savieckim (Minska) rajonnym adździełam Śledčaha kamiteta raspačata sprava pa č. 4 art. 206 KK (abrabavańnie, učynienaje arhanizavanaj hrupaj albo ŭ asabliva bujnym pamiery).
Sankcyja artykuła praduhledžvaje pakarańnie ŭ vyhladzie pazbaŭleńnia voli terminam da 13 hadoŭ z kanfiskacyjaj majomaści.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm13
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2626
Kamientary