U Minsku da rasijskaha pasolstva prynieśli płakaty «Rasija budzie svabodnaj» FOTY
U Minsku 27 lutaha ŭšanavali pamiać rasijskaha palityka Barysa Niamcova, zabitaha hod tamu ŭ centry Maskvy. Inicyjavali paminalnuju akcyju ŭ Minsku aktyvisty Abjadnanaj hramadzianskaj partyi, jakija prapanavali nieabyjakavym biełarusam pryjści ŭ subotu dniom da pasolstva Rasii.
Pa słovach lidara AHP Anatola Labiedźki, da pryznačanaha času ušanavać pamiać Niamcova kala rasijskaha dyppradstaŭnictva sabrałasia prykładna paŭtara dziasiatka čałaviek, u asnoŭnym aktyvisty AHP, ale byli pradstaŭniki i inšych demakratyčnych sił, naprykład «Jeŭrapiejskaj Biełarusi».
«My pastavili kalarovy partret Barysa Niamcova, pakłali kvietki, zapalili śviečki, havaryli pra jaho. Ja pastaraŭsia padabrać niejkija sardečnyja, niebanalnyja słovy», — raskazaŭ Labiedźka.
«Na žal, pakul u Minsku niama niejkaha pamiatnaha miesca, źviazanaha z Barysam Niamcovym. Spadziajusia, što kali-niebudź u Minsku źjavicca i vulica imia Barysa Niamcova. Nu, a pakul vybrana pasolstva, tamu što heta ŭsio-taki niejki simvał krainy, u jakoj naradziŭsia, vyras, žyŭ i zahinuŭ Barys Niamcoŭ», — adznačyŭ Labiedźka.
Pavodle jaho słoŭ, paminalnaja akcyja prachodziła ŭ prysutnaści asob u cyvilnym, jakija nazirali za tym, što adbyvajecca, i zdymali na videakamieru.
«My sychodzili, a ludzi praciahvali prychodzić i kłaści kvietki. Tak što, ja dumaju, my svaim zaklikam prosta dali start i ludzi jašče na praciahu dnia znojduć mahčymaść padyści i ŭšanavać pamiać Niamcova», — adznačyŭ lidar AHP.
-
Na Biełastoččynie prajšoŭ fiestyval biełaruskaj tradycyi Soncahraj FOTY
-
Žonka Alaksandra Milinkieviča raskazała pra jahony stan: pamiać zachavałasia, ale z ruchalnym aparatam vialikija prablemy
-
«Ja ŭ kałonii byŭ bolš volny». Były palitviazień Tamaz Pipija raskazaŭ pra 6 hadoŭ za kratami i novuju paranaidalnuju biełaruskuju realnaść
Kamientary