Novy łaŭreat «Hlinianaha Vialesa» — Franc Siŭko
Tradycyjna ŭ sakaviku arhanizacyjny kamitet litaraturnaj premii «Hliniany Viales» nazyvaje čarhovaha svajho łaŭreata — sioleta im staŭ viciebski prazaik Franc Siŭko.
Uznaharodu piśmieńniku prynios letašni zbornik prozy «Plebiejskija hulni».
«Čym adroźnivajecca novaja kniha? Tematyčna, moža być trošački. Ale tam taksama tema «karanioŭ», bo jana ŭ mianie skraznaja. Apovieść «Plebiejskija hulni» – heta ŭžo całkam siońniašni dzień. Heta tyja hulni, u jakija hulajuć darosłyja ludzi», — patłumačyŭ aŭtar.
«Plebiejskija hulni» — vynik litaraturnaj pracy Franca Siŭko napraciahu apošnich piaci hadoŭ. U novy zbornik prazaika ŭvajšli try apovieści: «Dźvie viasny dziaciej Pryjapa», «Cymant», «Plebiejskija hulni». Apovieść «Dźvie viasny dziaciej Pryjapa» apublikavanaja ŭpieršyniu.
Impreza ŭhanaravańnia novaha łaŭreata litaraturnaj premii «Hliniany Viales» adbudziecca ŭ mai ŭ Połacku. «Hliniany Viales» – najstarejšaja litaraturnaja premija najnoŭšaj Biełarusi, zasnavanaja ŭ 1993 hodzie Tavarystvam Volnych Litarataraŭ. Siarod jaje łaŭreataŭ — Aleś Razanaŭ, Uładzimir Arłoŭ, Uładzimir Niaklajeŭ, Andrej Fiedarenka, Eduard Akulin.
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy16
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary