Pra heta havorycca ŭ adkazie načalnika śledčaha adździeła prakuratury Minska Siarhieja Ivanova.
Jak havorycca ŭ adkazie za podpisam načalnika śledčaha adździeła prakuratury Minska Siarhieja Ivanova, atrymanym na adozvu hramadskaha abjadnańnia «Biełaruskaja asacyjacyja žurnalistaŭ» (BAŽ), vobyski «byli praviedzieny abhruntavana i ŭ adpaviednaści z zakonam».
Taksama ŭ adkazie z prakuratury paćviardžajecca, što apieratyŭnyja mierapryjemstvy prajšli ŭ miežach rasśledavańnia kryminalnaj spravy, raspačataj u 2005 hodzie Minskaj haradskoj prakuraturaj pa fakcie paklopu na prezidenta.
Nahadajem, 27 i 28 sakavika vobyski prajšli pa ŭsioj krainie ŭ kvaterach bolš čym 20 žurnalistaŭ, bolšaść ź jakich supracoŭničajuć sa ŚMI, jakija viaščajuć na terytoryju Biełarusi z‑za miažy, — heta «Radyjo Racyja», «Jeŭrapiejskaje radyjo dla Biełarusi», telekanał «Biełsat». U ich była kanfiskavana technika, u tym liku nośbity infarmacyi.
2 krasavika BAŽ źviarnułasia da hienieralnaha prakurora Biełarusi Ryhora Vasileviča, prakurora Minska Mikałaja Kulika i kiraŭnika KDB Juryja Žadobina. U adoźvie vykazana sumnieńnie, što vobyski i kanfiskacyja majomaści pravodzilisia na «dastatkovych i zakonnych padstavach».
«Vyklikaje ździŭleńnie toje, što ŭ pracesie vobyskaŭ zabiralisia nie tolki kampjutery i sistemnyja dyski — nośbity infarmacyi, ale i rečy, jakija nie majuć nijakaha dačynieńnia da spravy: navušniki, dynamiki, dyktafony, fotaaparaty, roznaja drukavanaja pradukcyja lehalnaha charaktaru», — havorycca ŭ adoźvie.
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary