Jamu pahražaje da šaści hadoŭ źniavoleńnia.
U aŭtorak, 22 krasavika, a 12:00 u sudzie Maskoŭskaha rajonu stalicy (praspekt hazety «Pravda», 27. Heta pobač z handlovym centram «Kirmaš») pačniecca kryminalny praces nad viciebskim pradprymalnikam Siarhiejem Parsiukievičam. Sudździa – Uładzimier Aŭdziejenka, advakatka – Viera Stramkoŭskaja.
Siarhiej Parsiukievič byŭ aryštavany i źmieščany ŭ śledčy izalatar na Vaładarskaha 4 sakavika, kali pryjšoŭ na dopyt da śledčaha Dźmitryja Razanki. Suprać lidera pradprymalnickich pratestaŭ 31 studzienia była zaviedzienaja kryminalnaja sprava pa artykule 364 KK («hvałt, albo pahroza hvałtu ŭ adnosinach da rabotnika milicyi»). Parsiukieviču pahražaje da šaści hadoŭ źniavoleńnia, pa tym samym artykule prykładna ŭ toj samy čas budzie vyniesieny prysud u spravie Andreja Kima. Nahadajem, što pa spravie Kima prakuror zaprasiŭ dla chłopca dva hady turmy.
Abvinavačvańnie zvodzicca da taho, što padčas adbyćcia 15-sutačnaha aryštu na Akreścina, Parsiukievič źbiŭ namieśnika dziažurnaha Alaksandra Dłupa. Sam pradprymalnik kaža, što źbivali akurat jaho.
Biznesoviec na Vaładarcy pakutuje na astmu, jamu ciažka dychać u kamery, dzie amal kožny siadzielec palić.
Advakatka Viera Stramkoŭskaja nie vyklučaje, što praces moža skončycca ciaham adnaho dnia.
-
Fatohraf z Kalinkavičaŭ zasudziŭ Maskoŭski zaapark, jaki vykarystaŭ biez dazvołu jaho fota norki
-
«Heta jaho paduška biaśpieki». Na trasie pad Minskam zaŭvažyli niezvyčajny sposab pieravozki šyn
-
Łukašenka ŭviazaŭ vyzvaleńnie palitviaźniaŭ z adkryćciom amierykanskaha pasolstva i finansavymi pytańniami
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary