Vierbnicu kataliki nazyvajuć jašče Palmovaj niadzielaj, a pratestanty — kvietkanosnaj niadzielaj. Ukrainskija ŭnijaty śviatkujuć pa adnym kalendary z pravasłaŭnymi, biełaruskija — z katalikami.
Archiŭnaje fota.
Heta śviata ŭstanoŭlenaje ŭ pamiać uvachodu Isusa Chrysta ŭ Jerusalim. Napiaredadni hetaha Isus ździejśniŭ cud uvaskrasieńnia Łazara. Viestka šyroka raźniesłasia, i śviet narodu vitaŭ jaho jak cara palmovymi halinkami.
U Biełarusi na hetaje śviata aśviačajuć vierbnyja halinki — jany simvalizujuć tyja palmovyja, jakimi sustrakali Chrysta.
Nastupny tydzień — Strasny (Vialiki), u im — Vialiki čaćvier, Vialikaja piatnica, Vialikaja subota. Vierniki ŭspaminajuć pakuty i śmierć Isusa Chrysta i rychtujucca da śviata Jaho ŭvaskrašeńnia.
Vialikdzień ryma-katoliki, hreka-katoliki i pratestanty buduć adznačać 27 sakavika.
Pravasłaŭnyja adśviatkujuć Vierbnicu praź miesiac, 24 krasavika. A Vialikdzień sioleta prypadaje ŭ pravasłaŭnych na 1 maja.
U 2017 h. Vialikdzień budziem śviatkavać usie razam — 16 krasavika.
Nastupnyja hady roźnica ŭ Vialikadniach budzie składać tydzień.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam25
Kamientary