Pjany inśpiektar DPS u Oršy źbiŭ na piešachodnym pierachodzie školnicu. Idzie raźbiralnictva, ale supracoŭnik DAI adnaznačna budzie zvolnieny biez prava adnaŭleńnia, prakamientavaŭ situacyju načalnik adździaleńnia infarmacyi i hramadskich suviaziej UUS Viciebskaha abłvykankama Andrej Siemianichin.
DTZ z udziełam supracoŭnika DAI adbyłosia ŭ Oršy 14 sakavika. Viečaram inśpiektar DPS ruchaŭsia pa vuł. Miru i źbiŭ vaśmikłaśnicu, jakaja pierachodziła darohu pa nierehulavanym piešachodnym pierachodzie. Dziaŭčynka atrymała traŭmy i była špitalizavanaja. Ciapier jaje žyćciu i zdaroŭju ništo nie pahražaje.
Ekśpiertyza pakazała, što ŭ momant učynieńnia DTZ kiroŭca byŭ pjany. Pa dadzienym fakcie Aršanskim mižrajonnym adździełam Śledčaha kamiteta pravodzicca pravierka. «Pazicyja kiraŭnictva viedamstva ŭ dačynieńni da padobnych supracoŭnikaŭ adnaznačnaja — zvalnieńnie z orhanaŭ unutranych spraŭ biez prava adnaŭleńnia», — zajaviŭ Andrej Siemianichin.
Jon dadaŭ, što kiraŭnictva UUS hatova akazać siamji paciarpiełaj dziaŭčynki lubuju padtrymku.
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary