Volha Babak: U Hanny Volskaj znajšli rak małočnaj załozy, ale jana nie chacieła «lažać u lakarniach i pamirać»
Volha Babak — blizkaja siabroŭkaj siamji Volskich jašče z časoŭ supolnaj pracy na Radyjo «101,2» i z «Narodnym albomam». Jana raspaviała «Našaj Nivie» padrabiaznaści chvaroby Hanny, jakaja syšła ŭ 40 hadoŭ.
«Samaje žachlivaje dla mianie asabista, što daviedałasia ja pra toje, jak usio žachliva, tolki ŭ piatnicu. Ja miarkuju, što heta było ich supolnaje rašeńnie nie paviedamlać nikomu pra heta.
Hanna kazała, što nie choča lažać u lakarni i pamirać.
Ja absalutna nie adčuvała, što jana hatovaja da takoha scenaru, bo Hanna płanavała budučyniu, jany źbiralisia ŭ adpačynak letam, kvitki navat byli ŭžo zamoŭlenyja. Ja dapuskaju, što jany viedali pra abstaviny jaje zdaroŭja, ale
viera Hanny ŭ toje, što jana daść rady, była nastolki mahutnaja, što pry svajoj charyźmie jana mahła pierakanać i Lavona, i siabie.
U čaćvier jana trapiła ŭ lakarniu pa chutkaj dapamozie. Lavon zrazumieŭ, što joj vielmi kiepska i samastojna jon nie dapamoža. Chutka zavieźli jaje ŭ hastraentarałahičnaje adździaleńnie druhoj kliničnaj balnicy Minska. Tam jana pralažała da niadzieli, ale paharšeńnie išło imkliva, daśledavańni pakazali, što rak paraziŭ absalutna ŭsie orhany, až da kostak. Joj padtrymlivali žyćciovyja funkcyi, a ŭ niadzielu baćki zabrali jaje dachaty, kab jana nie mučyłasia ŭ balničnych ścienach.
Pačynajučy z paniadziełka, vysiłkami svajakoŭ, pieraviali na morfij. Damahlisia, kab daktary chutčej zrabili svoj kansilium, jaki b dazvoliŭ heta zrabić, bo jana pakutavała ad bolaŭ».
Volha kaža, što Hanna nie prajšła nivodnaha kursa chimijaterapii. A na momant traplańnia ŭ lakarniu heta było ŭžo biessensoŭna.
Volha nie viedaje, kali dakładna ŭ Hanny vyjavili rak małočnaj załozy, ale kaža, što rak prahresavaŭ u jaje jak minimum hod. Paśla pačałosia paharšeńnie i ankałohija paraziła piačonku. U apošnija dni ŭ Hanny pierastali pracavać i nyrki.
«Lavon imkniecca trymacca, bo jamu vielmi ciažka. Zrazumieła, što druhaja chvala hora budzie značna ciažejšaj za pieršuju», — dadaje Volha Babak.
Ciapier čytajuć
Siamju ź Minska buduć sudzić za zdradu dziaržavie i kantrabandu zbroi. Ich, padobna, zatrymali na miažy — voś što viadoma4
Kamientary