Dziaržsakratar ZŠA Džon Kiery, vystupajučy ŭ Brusieli, zajaviŭ, što śviet nie ŭdasca zapałochać aktami teraryzmu i što mižnarodnaja supolnaść nie spynicca da taho času, pakul, jak jon vykazaŭsia, nie satre z tvaru Ziamli nihilistskija pierakanańni džychadzistaŭ ID.
Pavodle jaho słoŭ, bajeviki «Isłamskaj dziaržavy» pačali źviartacca da hvałtu za miežami Blizkaha Uschodu tamu, što ich fantazii z nahody stvareńnia chalifata razburajucca.
Kiery prybyŭ u Brusiel u piatnicu, kab prapanavać bielhijskim uładam amierykanskuju dapamohu ŭ zabieśpiačeńni biaśpieki hramadzian krainy i złovie złačyncaŭ.
Jaho vizit u bielhijskuju stalicu byŭ arhanizavany ŭ terminovym paradku, kali amierykanski dziaržsakratar znachodziŭsia ŭ Maskvie. Samalot Džona Kiery pryziamliŭsia ŭ piatnicu ŭ jašče zakrytym aeraporcie Brusiela.
Siarod achviaraŭ vybuchaŭ u Brusieli byli dvoje hramadzian Złučanych Štataŭ.
«Złučanyja Štaty smutkujuć razam z vami pa lubimych i blizkich ludziach, u tym liku amierykancach, jakich u nas žorstka adabrali, i molacca za paciarpiełych u vyniku hetych podłych napadaŭ», - zajaviŭ dziaržsakratar Džon Kiery paśla sustrečy z premjer-ministram Bielhii Šarlem Mišelem.
«Je suis bruxellois. Ik ben Brussel («Ja brusielec»)», — skazaŭ Kery na francuzskaj i hałandskaj movach.
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary