Bresckamu pamiežniku daviałosia stralać, kab ucichamiryć pjanych debašyraŭ
Uviečary 25 sakavika ŭ punkt propusku «Damačava» z-za miažy dla afarmleńnia na «zialony» kalidor prybyŭ transpartny srodak marki «Reno» z tryma pasažyrami ŭ sałonie. Imi akazalisia maładyja ludzi va ŭzroście krychu bolšym za tryccać hadoŭ. U pasažyraŭ byli vidavočnyja prykmiety ałkaholnaha apjanieńnia.
Padčas praviadzieńnia pamiežnaha kantrolu dvoje z pasažyraŭ sprabavali pieraškadžać pracy pahraničnikaŭ u vykanańni imi svaich słužbovych abaviazkaŭ, zaŭvahi pa vykanańni paradku nie ŭsprymali. Kali było vyrašana nakiravać transpartny srodak u boks pahłyblenaha nadhladu, maładyja ludzi akazali supraciŭ słužbovaj asobie, pieraškadžali ruchu transpartu i na patrabavańni supracoŭnika pamiežnaj słužby ab spynieńni supraćpraŭnych dziejańniaŭ nie reahavali.
Ucichamiryć chulihanaŭ pryjšłosia papieradžalnym strełam uvierch z tabielnaj zbroi, nadzieć kajdanki. Na miesca zdareńnia prybyli supracoŭniki Bresckaha RUUS i dla dalejšaha raźbiralnictva za svaje chmielnyja pavodziny parušalniki źmieščany ŭ izalatar časovaha ŭtrymańnia. Akramia taho ŭ dačynieńni da hramadzian-debašyraŭ raspačaty administracyjny praces za niepadparadkavańnie zakonnamu rasparadžeńniu ci patrabavańniu słužbovaj asoby pry vykanańni im słužbovych paŭnamoctvaŭ, a taksama parušeńnie režymu ŭ punkcie propusku.
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary