Siońnia ŭ staličnym mikrarajonie Malinaŭka miełasia adbycca sustreča lidera Ruchu "Za svabodu" ź miascovymi žycharami, ale amal adrazu palityk byŭ zatrymany i adviezieny ŭ RUUS Maskoŭskaha rajonu. Praź dźvie z pałovaj hadziny Alaksandra Milinkieviča, usio ž, adpuścili.
Da «Maksimusa» pryjšło kala sotni čałaviek, a taksama bolš za sorak amapaŭcaŭ i ludziej u cyvilnym, paviedamiŭ palitolah Aleś Łahviniec. Milinkieviču navat nie dali vystupić, jahonym zatrymańniem kiravaŭ padpałkoŭnik milicyi Mikałaj Rudski.
Ciapier eks‑kandydata na pasadu prezydenta viazuć u Maskoŭski RUUS dla «vyśviatleńnia asoby».
***
20:01Aleś Łahviniec paviedamiŭ, što ŭ pastarunku praz škło jon bačyŭ A. Milinkieviča. Tym nia mienš, padpałkoŭnik Rudski pry vychadzie z pastarunku skazaŭ, što nikoha nie zatrymlivaŭ. Dziažurny RUUS taksama adkazvaje: "Nikakoha haspadzina Milinkieviča ŭ "dziažurcy" niama".
Kala pastarunku znachodziacca žurnalisty, paplečniki i siabry A. Milinkieviča.
***
20:39 A 20.35 Alaksandar Milinkievič byŭ adpuščany.
Jak paviedamiŭ palityk "Našaj Nivie",
"U pastarunku ja mieŭ razmovy na sacyjalnyja, ekanamičnyja, palityčnyja, mižnarodnyja temy z supracoŭnikami RUUS. Razmova pačałasia ŭ kabinecie načalnika RUUS. Paśla mianie pieraviali da jahonaha namieśnika pa idealohii. Kali ja zapytaŭsia: "Ci zatrymany ja, ci mahu iści, mianie znoŭ nakiravali da načalnika, dzie my jašče raz ź im pahutaryli. Milicyjanty byli vielmi vietlivyja".
"Nijakich pozvaŭ mnie nie vypisvali, pryčynu zatrymańnia taksama nie patłumačyli. Tolki na samym pačatku mnie skazali, što viazuć u pastarunan dla niejkaha tłumačeńnia i vyśviatleńnia. Nie vyklučaju, što ŭ toj čas jak ja znachodziŭsia ŭ RUUS, vyrašałasia, ci aryštoŭvać mianie ci pakidać na svabodzie. Dumaju, što ŭłady bajacca takich sustreč ź ludźmi, bajacca luboha volnaha słova, i tamu adbyvajucca takija zatrymańni, kali jany bačać, što niechta sprabuje zhurtavać ludziej".
Ciapier čytajuć
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca
Kamientary