Dryha: Kryteram pry vydačy siertyfikata tvorčym rabotnikam źjaŭlajecca prafiesijanalizm
Hałoŭnym kryteram pry vydačy siertyfikata tvorčym rabotnikam źjaŭlajecca prafiesijanalizm, zajaviła siońnia pieršy namieśnik ministra kultury Iryna Dryha.
Prajekt Kodeksa ab kultury praduhledžvaje, što status tvorčych rabotnikaŭ — členaŭ tvorčych sajuzaŭ buduć paćviardžać hetyja sajuzy. A volnyja mastaki buduć źviartacca ŭ ekśpiertnuju kamisiju, stvoranuju pry Ministerstvie kultury. U hetu kamisiju ŭvachodziać staršyni abo pradstaŭniki tvorčych sajuzaŭ, vyšejšych navučalnych ustanoŭ u halinie kultury, Nacyjanalnaj akademii navuk Biełarusi. «Ale pierš čym dakumienty trapiać na stoł kamisii, jany prachodziać ekśpiertyzu. U jakaści ekśpiertaŭ pryciahvajucca śpiecyjalisty i arhanizacyi, kampietentnyja ŭ roznych śfierach, siarod ich jość dziaržaŭnyja i pryvatnyja ŭstanovy. Pryčym biarecca niekalki ekśpiertnych zaklučeńniaŭ», — skazała Iryna Dryha.
Pretendenty na atrymańnie prafiesijnaha siertyfikata zaprašajucca na pasiadžeńnie kamisii. «Jany mohuć u dyjałohu z členami kamisii rastłumačyć sens svajho tvora, asablivaści tvorčaha počyrku. I, jak praviła, členy kamisii staviacca stanoŭča i łajalna da pretendentaŭ», — adznačyła pieršy namieśnik ministra.
Siarod tych patrabavańniaŭ, jakija pradjaŭlajucca dla kandydata na atrymańnie statusu tvorčaha rabotnika, u pieršuju čarhu vysoki mastacki i prafiesijny ŭzrovień tvorčaści. Akramia taho, važna, kab raboty pretendentaŭ byli prezientavany publična.
«Kali heta prafiesijna, kamisija nie zadaje dadatkovych pytańniaŭ, ale kali heta nieprafiesijna, jak ni staralisia b siabie prezientavać tvorčyja dziejačy i spasyłacca na toje, što kamisija nie acaniła ich pa niejkich inšych kryterach, takoha nie budzie. Nijakich asablivych śpisaŭ naša kamisija nie maje i imi nie kirujecca», — dadała Iryna Dryha.
Nahadajem, dziejačaŭ kultury bieź śpiecyjalnaha siertyfikata Minkulta płanujuć pryraŭniać da «darmajedaŭ».
Kamientary