Sienatar Bierni Sanders atrymlivaje pieramohu nad Chiłary Klintan na pieršasnych vybarach kandydata ŭ prezidenty ZŠA ad Demakratyčnaj partyi ŭ Vajominhu. Pra heta paviedamlajuć amierykanskija ŚMI.
Da ciapierašniaha momantu apracavana 98% biuleteniaŭ. U Sandersa 56% hałasoŭ, Klintan atrymała 44%.
Klintan pakul zastajecca favarytam honki za prava stać kandydatam u prezidenty ad Demakratyčnaj partyi. Na dadzieny momant jaje padtrymali na 219 delehataŭ bolš, čym Sandersa.
Tym nie mienš, apošnija pieramohi Sandersa ŭ štatach Vašynhton, Alaska, Ajdacha, Juta, Havai i Viskonsin śviedčać ab tym, što ŭ Klintan ŭsio mienš padtrymki siarod biełych i libieralnych delehataŭ, adznačaje New York Times.
Vajominh — heta štat, dzie Klintan zmahacca ciažej za ŭsio, tak jak delehaty tam u asnoŭnym biełyja libierały, piša vydańnie.
Akramia taho, Klintan admoviłasia ad kampanii ŭ Vajominhu, kab nadać bolš času i resursaŭ padrychtoŭcy da pieršasnych vybarach u Ńju-Jorku i Piensilvanii, dzie značna bolš delehataŭ.
Ciapier čytajuć
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary