Biełaruskaja čyhunka 23 krasavika (subota) praviadzie akcyju «Stop — zajac!», padčas jakoj zapłanavany kompleks mierapryjemstvaŭ pa praviercy najaŭnaści kvitkoŭ u pasažyraŭ ciahnikoŭ rehijanalnych linij ekanamkłasa, paviedamlajecca ŭ pres-relizie BČ.
«Pradstaŭniki BČ arhanizujuć kompleks mierapryjemstvaŭ pa praviercy najaŭnaści prajaznych dakumientaŭ u pasažyraŭ ciahnikoŭ rehijanalnych linij ekanamkłasa. Kantrol budzie ažyćciaŭlacca na pieronie pry pasadcy abo vysadcy ź ciahnika», — adznačyli śpiecyjalisty. Akramia rabotnikaŭ darohi ŭ mierapryjemstvie voźmuć udzieł supracoŭniki adździełaŭ unutranych spraŭ na transparcie. Udzielniki akcyi buduć razdavać pasažyram tematyčnyja pamiatki.
Inicyjataram praviadzieńnia akcyi vystupiŭ halinovy kamitet HA «BRSM» Biełaruskaj čyhunki.
Ciapier štraf za bieźbiletny prajezd u ciahnikach haradskich linij składaje 0,5 bazavaj vieličyni (105 tys. rubloŭ), u ciahnikach rehijanalnych linij — 0,7 bazavaj (147 tys. rubloŭ), mižrehijanalnych i mižnarodnych linij - 1 bazavuju (210 tys).
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary