Nieviadomyja sarvali repradukcyju abrazu Božaj maci, jakuju ŭstalavaŭ na kapličcy mastak Alaksiej Maračkin. Akt vandalizmu adbyŭsia ŭnačy.
Alaksiej Maračkin skazaŭ:
«Heta akt vandalizmu, akt biezduchoŭnaści. I ŭsio heta, kali nie z paturańnia ŭłady, to pad hetaj apiekaj. Bo što ni robicca padobnaje — ničoha nichto nie raśśleduje. Ciapier na śviaty ja na vioscy ŭ Barsukach. Pryjedu, to zrablu nie repradukcyju, a pastarajusia zrabić heta na došcy i niejak zamacujem. Ja adčuvaŭ, što pryjdzie čas i znoŭ heta budzie, na vialiki žal».
Heta ŭžo nie pieršy vypadak apahańvańnia abraza Božaj maci na kapličcy ŭ Kurapackim lesie. Raniej abraz byŭ zamalavany farbaj i svastykaj.
Kaplička ŭstalavanaja pobač ź vialikim kryžam na ŭvachodzie ŭ Kurapacki les. Na joj vyjava abraza maci Božaj Kurapackaj usich niavinna rasstralanych. Jana była ŭstalavanaja na Dziady ŭ 2003 hodzie. U śniežni 2005 hodu na abrazie nieviadomyja vandały namalavali svastyku. Tady ž byli apahanienyja i inšyja kurapackija pamiatnyja znaki.
-
Na Biełastoččynie prajšoŭ fiestyval biełaruskaj tradycyi Soncahraj FOTY
-
Žonka Alaksandra Milinkieviča raskazała pra jahony stan: pamiać zachavałasia, ale z ruchalnym aparatam vialikija prablemy
-
«Ja ŭ kałonii byŭ bolš volny». Były palitviazień Tamaz Pipija raskazaŭ pra 6 hadoŭ za kratami i novuju paranaidalnuju biełaruskuju realnaść
Kamientary