Były pasoł ZŠA: Toje, što adbyvajecca ciapier, heta nastupstvy prezydenckich vybaraŭ
Kienet Jałavic, pasoł ZŠA ŭ Biełarusi z 1994 da 1997 hodu, a ciapier prafesar Dartmunckaha koledžu, pra ciapierašniuju eskalacyju napružanaści ŭ adnosinach miž ZŠA i Biełaruśsiu.
Ja nie historyk, ale miarkuju, što da ciapierašnich biełaruskich padziejaŭ nieabchodny histaryčny padychod. Kali ja byŭ pasłom u Biełarusi ŭ 1994—1997 hadach, u amerykanska-biełaruskich adnosinach byli vielmi składanyja momanty. Usie jany byli źviazanyja, u asnoŭnym, z unutranaj palitykaj Łukašenki. Prezydent praktyčna padmiaŭ pad siabie parlament, pastaviŭ kryž na svabodzie presy, radyjo j televiaščańnia, zatknuŭ rot apazycyi. U nas vyklikali surjoznuju zakłapočanaść parušeńni pravoŭ čałavieka ŭ Biełarusi.
U maju bytnaść pasłom u pavietranaj prastory Biełarusi byŭ źbity pavietrany šar z padarožnikami. Zahinuli try čałavieki. Niezadoŭha da zakančeńnia terminu pajho znachodžańnia ŭ Miensku biełaruskija ŭłady sprabavali vystavić z krainy amerykanskich dyplamataŭ pa nadumanym abvinavačańni ŭ datyčnaści da apazycyjnaj dziejnaści. Heta była nastolki surjoznaja sprava, što mianie vyklikali ŭ Vašynhton dla kansultacyj na ceły miesiac. Za hetym pajšli roznahałośsi z nahody rezydencyi pasła ZŠA ŭ Miensku.
Toje, što adbyvajecca ciapier, heta nastupstvy prezydenckich vybaraŭ, jakija nijak niamožna nazvać česnymi j adkrytymi. Byli vypadki źniknieńnia ludziej. Jość padstavy mierkavać, što jany zabityja. Hetyja fakty, a taksama aryšty j turemnaje źniavoleńnie kandydataŭ apazycyi na prezydenckich vybarach 2006 hodu pasłužyli pryčynaj taho, što ZŠA ŭviali ekanamičnyja sankcyi suprać Biełarusi.
U nas heta vyklikaje pačućcio ščyraha škadavańnia, tamu što Biełaruś sama adrazaje siabie ad Eŭropy j astatniaha śvietu. Toje, što adbyvajecca ciapier — haniebna i navat trahična. Bo ŭ nas zastałosia nia tak bahata mahčymaściaŭ vieści dyjaloh pa dyplamatyčnych kanałach. Patrabavańnie, kab pasoł ZŠA pakinuła Biełaruś, i vyhnańnie dziesiaci amerykanskich dyplamataŭ — vialikaja pamyłka ŭradu Łukašenki. Mienavita na dyplamataŭ uskładajucca nadziei na praciah dyjalohu, kali miž krainami isnujuć surjoznyja roznahałośsi.
Zrazumieła, Złučanyja Štaty zrobiać kroki ŭ adkaz. ZŠA — vialikaja dziaržava. Ja nie sumniavajusia, što ŭsim viadomy histaryčny prykład taho, nakolki mocnuju reakcyju ŭ svoj čas vyklikała vysyłka amerykanskich dyplamataŭ z Savieckaha Sajuzu. Ja spadziajusia, što ŭ atačeńni prezydenta Łukašenki jość ludzi, jakija razumiejuć važnaść zachavańnia kantaktaŭ z Zachadam, z ZŠA j Eŭropaj. Moža, u Miensku prysłuchajucca da ich dumki. Toje, što ciapier robić Łukašenka, całkam supiarečyć duchu j vymoham času, kali ŭ Eŭropie ścirajucca miežy j poŭnym chodam iduć pracesy intehracyi.
Fota nndb.com
-
«Bolšaja častka siadzić sumlenna, ale cicha». Pavieł Vinahradaŭ pra palitviaźniaŭ, čyje proźviščy nieviadomyja
-
Polski dypłamat raskazaŭ, jak Łukašenka ŭmieje «ačaroŭvać surazmoŭcaŭ» i chto robicca jahonymi achviarami
-
«Dyk što vam jašče treba, šanoŭnyja kiraŭniki EHU?» Sieviaryniec zaklikaŭ biełarusizavać univiersitet, pakul nie pozna
Kamientary