Na Miorščynie brakańjer kinuŭsia na ŭcioki pad vadu, a ŭ Połacku rabaŭnika carkvy ŭziali na kazyrku chramu.
Sapraŭdnaja detektyŭnaja historyja, jak u licha zakručanym bajeviku, razyhrałasia dniami na voziery Absterna Miorskaha rajonu. Supracoŭniki mižrajonnaj inspekcyi žyviolnaha i raślinnaha śvietu vyjavili na dnie kabel elektralinii, z dapamohaj jakoha brakańjery raźličvali biez asablivych namahańniaŭ zdabyć bahaty ŭłoŭ ryby. Dla zatrymańnia parušalnikaŭ vyklikali na dapamohu aperhrupu milicyi i zładzili zasadu.
Kala 5-j ranicy na voziery źjavilisia dvoje mužčyn. Adzin ź ich u vadałaznym kaściumie, jak pabačyŭ śledčych, daŭ nyrca na hłybiniu. Kinuŭsia naŭciok i jahony naparnik, ale jaho ŭdałosia zatrymać. Kab zdabyć rečavyja dokazy supraćpraŭnaj dziejnaści, na dapamohu vyklikali vadałazaŭ z susiedniaha Brasłava Jany padniali sa dna 69 zabitych tokam bujnych rybin.Škodu, učynienuju pryrodzie, acanili ŭ čatyry z pałovaj miljona rubloŭ. Charakterna, što zatrymany raniej ŭžo atrymaŭ za brakańjerstva pa pryhavoru sudu pakarańnie ŭ vyhladzie 2 hadoŭ umoŭnaha pazbaŭleńnia voli i kanfiskacyi pradmietaŭ łoŭli. Ciapier takaja ciaha da ryby moža zakončycca ŭžo bolš surovym pakarańniem.
U Połacku 27‑hadovy žychar pasiołku Baravucha‑1, jaki ŭsiaho miesiac tamu vyjšaŭ na volu, sprabavaŭ uleźci ŭ Dreŭlepravasłaŭnuju pamorskuju carkvu Ŭśpieńnia Praśviatoj Baharodzicy, kab skraści abraz Praśviatoj pamorskaj Božaj Maci.
U carkvie spracavała syhnalizacyja, i praz paru chvilin hrupa zatrymańnia połackaha adździełu departamentu achovy zdymała hora-złodzieja z kazyrka budynku, kali toj maniŭsia ŭleźci ŭsiaredzinu praz raźbity škłopakiet.
Pryblizny acenačny košt uratavanaha abraza — kala 100 tysiač dalafraŭ ZŠA.
Ciapier čytajuć
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury4
Kamientary