Prahrama «Sacyjalnaja i palityčnaja filazofija» aryjentavana na padrychtoŭku bakalaŭraŭ filazofii ŭ adpaviednaści z najnoŭšymi tendencyjami raźvićcia filazofskich viedaŭ i adukacyi.
Prahrama «Sacyjalnaja i palityčnaja filazofija» aryjentavana na padrychtoŭku bakalaŭraŭ filazofii ŭ adpaviednaści z najnoŭšymi tendencyjami raźvićcia filazofskich viedaŭ i adukacyi. Prahrama praciahvaje adukacyjnyja i daśledčyja tradycyi, jakija skłalisia na fakultecie filazofii EHU ŭ Miensku, i adnačasova adkryvaje novy kirunak filazofskaj adukacyi ŭ rehijonie. Z adnaho boku, studenty atrymlivajuć hruntoŭnuju padrychtoŭku ŭ halinie klasyčnaj filazofii, ź inšaha, u ramkach specyjalizacyj pa palityčnaj i sacyjalnaj filazofii, zasvojvajuć najnoŭšyja tendencyi raźvićcia filazofskich viedaŭ u ich dačynieńni da sacyjalnych, palityčnych i kulturnych prablem.
Na 1—2 kursach asnoŭnaja ŭvaha addajecca tradycyjnym filazofskim kursam, padčas jakich studenty zasvojvajuć klasyčnyja i sučasnyja madeli analizu filazofskich tekstaŭ, avałodvajuć filazofskaj terminalohijaj i nabyvajuć navyki krytyčnaha myśleńnia.
Na 3—4 kursach studenty specyjalizujucca ŭ adnym z dvuch kirunkaŭ prahramy: palityčnaja filazofija i sacyjalnaja filazofija.
Padčas navučańnia studenty
nabyvajuć prafesijnyja viedy ŭ halinie historyi filazofii i sučasnaj sacyjalnaj i palityčnaj filazofii;
vyvučajuć dźvie klasyčnyja (staražytnahreckuju, łacinu) i dźvie sučasnyja zamiežnyja movy (anhielskuju + niamieckuju abo francuskuju na vybar);
nabyvajuć šerah navykaŭ, nieabchodnych dla paśpiachovaj prafesijnaj dziejnaści ŭ sučasnych umovach: umieńnie pracavać sa składanymi tekstami (u tym liku inšamoŭnymi), znachodzić i analizavać navukovuju infarmacyju; umieńnie arhumentavana vykładać i adstojvać u dyskusii svaju pazycyju; zdolnaść da bieśpierapynnaj samaadukacyi, zasvajeńnia novych sfer dziejnaści i adaptacyi da dynamičnych patrabavańniaŭ sučasnaha rynku pracy.
Vypuskniki zmohuć vykarystoŭvać svaje viedy ŭ nastupnych sferach prafesijnaj dziejnaści:
vyšejšaja adukacyja i navuka;
sacyjalna‑palityčnaja analityka;
palityka i administravańnie sacyjalnaj i kulturnaj sfer;
pierakład humanitarnaj litaratury.
Vučebny praces zabiaśpiečvaje vysokakvalifikavany mižnarodny kalektyŭ vykładčykaŭ ź Biełarusi, Litvy i šerahu krain Zachodniaj Eŭropy i Paŭnočnaj Ameryki. Šyrokaje mižnarodnaje supracoŭnictva i transfert kredytaŭ dazvalajuć studentam harmanična spałučać navučańnie ŭ EHU z navučańniem va ŭniversytetach SND, Zachodniaj Eŭropy i Paŭnočnaj Ameryki. Vypusknik atrymlivaje dziaržaŭny dyplom Litoŭskaj Respubliki, pryznany ŭ krainach ES. Prahrama prapanujecca jak u dzionnym, tak i ŭ zavočnym farmacie.
Kantakty
Dzionnaje navučańnie: [email protected]
Zavočnaje navučańnie: [email protected]
Kamientary