Hanna Bond, Michałok, Maks Korž: dzie adpačyvajuć biełaruskija znakamitaści hetym letam
Leta – čas adpačynkaŭ. Biełaruskija znakamitaści nie vyklučeńnie. Jakija fota i adkul vystaŭlajuć našyja sielebryci ŭ svaich sacyjalnych sietkach? «Naša Niva» padabrała 10 biełaruskich viadomych asob, jakija ŭžo adpačyli abo źbirajucca heta zrabić.
Alona Łanskaja
Biełaruskaja śpiavačka, jakaja niadaŭna ŭskałychnuła biełaruski internet vykanańniem pieśni mužčynskim hołasam, adpačyvaje ciapier na Kipry.
Tam Alona budzie jašče ceły tydzień, ale ŭžo paśpieła stać chrosnaj maci.
Iryna Kabasakał
Śvieckaja lvica Iryna Kabasakał razam z dačkoj hetym letam źjezdili da siabroŭki, prafiesijnaj madeli Kaciaryny Ozkan. Na vostravie Sint-Marten, što na Antylskich astravach, siabroŭki płavali ŭ mory, šmat jeli i prymiarali novyja ŭbory.
Dzianis Kurjan
Dzianis razam sa svajoj žonkaj Julaj hetym letam adpravilisia na Filipiny.
Letaś Dzianis uraziŭ usich nadta adkrytymi fotazdymkami svajoj žonki, čaho nie skažaš pra sioletni adpačynak. Tut bolš daminavali siamiejnyja foty.
Siarhiej Michałok i Śviatłana Zielankoŭskaja
Ni dla kaho nie sakret, što Śviatłana z synam Makaram zaŭsiody hastralujuć razam z mužam i hurtom Brutto. U pierapynkach pamiž kancertami Ziela, jak jaje nazyvaje Siarhiej, vyrašyła razam z synam adpačyć u Adesie na mory.
A ŭžo poŭnym składam jany adpravilisia ŭ Irpiński kurortny hatel Grand Admiral Resort & SPA. Pa fota vidać, što siamji ŭdałosia dobra adciahnucca.
Ksienija Sitnik
Pamiž vučobaj u Prazie Ksienija vyrašyła adpravicca ŭ nievialiki tryp pa Jeŭropie i nie tolki. Šviejcaryja, Italija, Hiermanija, Francyja, Hruzija – pa fota možna bačyć, što byłoj pieramožcy «Jeŭrabačańnia» padabajecca vandravać.
Taksama śpiavačka paciešyła svaich padpisantaŭ davoli adkrytymi fota:
Vadzim Hałyhin
Biełaruski komik jašče da pačatku leta adpraviŭsia na adpačynak u Tbilisi i Ananury (70 km ad Tbilisi) da siabroŭ.
A ŭžo z žonkaj Volhaj i dziećmi letam jany nakiravalisia ŭ Čarnahoryju, u žyły kompleks «Dukley gardens».
Tam komik nastolki rassłabiŭsia, što vyrašyŭ vykłaści fota svajoj kachanaj u modnym kupalniku:
Alaksandr Hleb
Adzin z samych viadomych biełaruskich futbalistaŭ Alaksandr Hleb parybačyŭ u červieni razam z Vadzimam Hałyhinym.
Alaksandr nie vielmi aktyŭna viadzie svaje sacyjalnyja sietki, tamu bolš pra jahony adpačynak hetym letam pakul ničoha nieviadoma.
Tym bolš ciapier dla jaho znoŭ pačaŭsia vialiki futboł — adbor u Lihu čempijonaŭ za BATE.
Hanna Bond
Znakamitaja televiadučaja Hanna Bond staranna rychtujecca da pajezdki ŭ Rya na Alimpijskija hulni. Tam jana źbirajecca pracavać, ale takuju pracu možna całkam nazvać adpačynkam. Dy i sama Hanna naładžanaja tolki na pazityŭ.
Maks Korž
Časam padajecca, što ŭ Maksa Karža nie było nivodnaha dnia, kali b jon nie davaŭ kancerty. Ale pa jaho aktyŭnaści ŭ sacyjalnych sietkach vidać, što śpiavak sapraŭdy imkniecca žyć u kajf. Z apošniaj pajezdki ŭ Izrail kamanda vykłała cełuju videaspravazdaču.
Dahetul Maks daŭ kancert u Piciery, dzie, akramia svajoj kancertnaj prahramy, paśpieŭ pałazić pa picierskich dachach.
Hieorhij Kałdun
Samy ścipły adpačynak byŭ u Hieorhija Kałduna. Jon źjezdiŭ u dziciačy łahier «Bryhancina». Tam jon zmoh pazabaŭlać dziaciej i ŭpieršyniu pakaštavać «łapšeŭnik»:
A kudy vy źbirajeciesia jechać adpačyvać hetym letam? Ci dzie ŭžo byli? Vykazvajciesia ŭ kamientarach!
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary