Urahanny viecier 27 lipienia źnios z pastamienta i paškodziŭ pamiatny znak maci i ŭdovam vajny, ustalavany ŭ Klimavičach viasnoj minułaha hoda.
«Učora z paryvam vietru jon upaŭ i paškodziŭsia. Jaho zabrali na pierarobku. Dumaju, za paru dzion my jaho adnovim», — paviedamiła BiełaPAN namieśnik staršyni Klimavickaha rajvykankama Kaciaryna Muzyčenka.
Pavodle jaje słoŭ, mocny viecier, jaki abrynuŭsia na rajon u druhoj pałovie dnia, zryvaŭ šyfier z dachaŭ, valiŭ słupy i drevy.
«Pamiatny znak žančynam-klimavičankam — maci i ŭdovam vajny byŭ uračysta ŭstalavany pablizu płoščy 50-hodździa Vialikaha Kastryčnika viasnoj minułaha hoda. Žychary horada, rajonnyja pradpryjemstvy i arhanizacyi sabrali na pomnik 45 miljonaŭ rubloŭ», — raskazaŭ žychar Klimavič Siarhiej Aržancaŭ.
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary