Jarmošyna: Marhinałam nie miesca ŭ vybarčych kamisijach
Staršynia Centrvybarkama Biełarusi Lidzija Jarmošyna ŭ intervju prahramie «Hałoŭny efir» telekanała «Biełaruś 1», pakazanym viečaram 31 lipienia, prakamientavała niezadavolenaść apazicyjnych siłaŭ svaim kolkasnym pradstaŭnictvam u vybarčych kamisijach.
Niezadavolenyja, pa słovach Jarmošynaj, «pradstaŭniki tych ruchaŭ i partyj, hramadskich abjadnańniaŭ, jakija pazicyjanujuć siabie jak naša palityčnaja apazicyja. Ich zajaŭka zadavolena na 17%».
«Ludzi, uklučanyja ŭ skład vybarčych kamisij, — heta hramadzianie, jakija daŭno pracujuć na vybarach, viadomyja, stanoŭča charaktaryzujucca, — patłumačyła kiraŭnik CVK. — I tam niama ničoha asabistaha. Čałaviek dobry, čałaviek nadziejny — značyć jon, niezaležna ad palityčnych pohladaŭ i krytyki ŭłady, uklučajecca ŭ vybarčuju kamisiju».
U toj ža čas, jak adznačyła Jarmošyna, «kali čałaviek nidzie nie pracuje, nie vałodaje dastatkovaj adukacyjaj, pavodzić siabie adkryta marhinalna, nie płacić padatki jak padatkapłacielščyk, heta značyć nidzie nie pracuje, to, zrazumieła, jon nie moža ličycca staŭpom hramadstva i čałaviekam dosyć reśpiektabielnym, kab uvachodzić u skład vybarčaj kamisii».
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1010
Kamientary