Supracoŭniki adździeła kryminalnaha vyšuku Centralnaha RUUS Minska zatrymali 21-hadovaha minčuka, jaki padazrajecca ŭ kradziažy rečaŭ u adnym sa staličnych parkaŭ.
Jak paviedamiła pres-aficer Centralnaha RUUS Minska Taćciana Aboznaja, u milicyju źviarnulisia dźvie dziaŭčyny i chłopiec. Jany raspaviali, što, adpačyvajučy ŭ parku, paznajomilisia z tryma maładymi ludźmi, paśla čaho syšli kupacca, pakinuŭšy svaje rečy na łaŭcy pad nahladam novych znajomych.
Viarnuŭšysia, siabry nie znajšli ni novych znajomych, ni sumki adnoj ź dziaŭčat. Ale dziaŭčyna zapomniła jarkuju prymietu adnaho chłopca z złačynnaj kampanii: na ciele była tatuiroŭka — Miki Maus.
Ekśpierty ŭstanavili asobu chłopca z tatuiroŭkaj. Stała viadoma, što kradziež ździejśniŭ jaho siabar.
U dačynieńni da fihuranta ŭzbudžanaja kryminalnaja sprava pa č.1 art. 205 (kradziež) KK Biełarusi. Maksymalnaje pakarańnie pa artykule praduhledžvaje pazbaŭleńnie voli terminam da troch hadoŭ.
U RUUS nahadali, što lepš za ŭsio adpačyvać u kampanii dobra znajomych ludziej, daviarać tolki im pryhladać za svaimi rečami.
Ciapier čytajuć
Pačobut parazvažaŭ, ad čaho zaležyć budučynia Biełarusi1
Kamientary