Hadzinny kancert adbudziecca siońnia, 19 žniŭnia, u miežach konkursu «Zaśpiavaj 3.0» na letniaj terasie kaviarni «Chill out» na płoščy Svabody ŭ Miensku. Lavon Volski praśpiavaje najlepšyja pieśni, jakija možna vykanać u akustycy.
Arhanizatar konkursu Siarhiej Budkin atrymaŭ hastrolnaje paśviedčańnie na kancert Viktara Łupasina, Fiodara Žyvaleŭskaha i hurta «Lejbonik» pry ŭdziele Lavona Volskaha. Dakument padpisany pieršym namieśnikam načalnika hałoŭnaha ŭpraŭleńnia — načalnikam upraŭleńnia kultury Rudzikavaj V. U.
«Heta nie zusim solny kancert Lavona Volskaha. Heta apošni kancert u letniaj seryi konkursu maładych vykanaŭcaŭ «Zaśpiavaj 3.0». Volski ŭvachodzić u skład žury, i my prapanavali jamu vystupić», — kaža Siarhiej Budkin.
Jon adznačyŭ: kazać pra toje, što kancertnaja dziejnaść Volskaha całkam dazvolenaja, rana.
«Składana skazać, što adbyvajecca ŭ hałovach čynoŭnikaŭ, jakija dajuć hastrolnyja paśviedčańni. Tolki spadziajusia, što ŭsim chopić rozumu nie pieraškadžać i dać Lavonu vystupić i padtrymać maładych vykanaŭcaŭ», — adznačyŭ arhanizatar kancertu.
Siarhiej Budkin papiaredžvaje: niahledziačy na toje, što hastrolnaje paśviedčańnie atrymanaje, harantavać toje, što kancert adbudziecca, niemahčyma:
«Jašče nia fakt, što kancert projdzie. Heta vialikaja ryzyka. My adrazu budziem pra heta papiaredžvać tych, chto budzie nabyvać kvitki. Ale ŭ vypadku zabarony kancertu nabyty kvitok budzie dziejničać jak sertyfikat na pakupku ŭ kramie symbal.by».
Ciapier čytajuć
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli2
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2323
Kamientary