Pradstaŭniki kinaindustryi hetaj krainy prosiać prezydenta, parlament i urad zaćvierdzić trochhadovy pierachodny peryjad dla pierachodu na poŭny dublaž filmaŭ na ŭkrainskuju movu.
Z takim zvarotam da ŭładaŭ Ŭkrainy źviarnulisia kala 60% ułaśnikaŭ i kiraŭnikoŭ kinazalaŭ i bolšaść ukrainskich dystrybjutaraŭ, paviedamlaje Korrespondent.net. Na ich dumku, heta dazvoliła b, dziakujučy rostu kolkaści kinateatraŭ i ŭviadzieńniu va Ŭkrainie ŭsich techničnych składnikaŭ pracesu dublavańnia, pierajści na jakasny praces dublavańnia biez strataŭ dla intaresaŭ hledačoŭ i kinaindustryi. Taksama vykazvajecca nieabchodnaść praviadzieńnia šyrokaj prapahandysckaj i tłumačalnaj kampanii siarod hladackaj aŭdytoryi adnosna pierachodu kinaprakatu na ŭkrainskuju movu.
Kinaprakatčyki vykazvajuć zaściarohu, što farsiravany pierachod da dublavańnia vyklučna na ŭkrainskuju movu naniasie i ŭžo nanosić straty ichniamu biznesu. Skaračeńnie prybytkaŭ na 20% padajecca aptymistyčnym varyjantam. Pierachod na rodnuju movu spravakavaŭ źnižeńnie naviedvalnaści kinateatraŭ na ŭschodzie i poŭdni krainy, a taksama rost prodažaŭ videapradukcyi na rasiejskaj movie.
Varta taksama adznačyć, što ź lipienia hetaha hodu ŭsie filmy ŭkrainskaj vytvorčaści buduć demanstravacca na dziaržaŭnaj movie, paviedamiła staršynia Dziaržsłužby kiniematahrafii Ŭkrainy Hanna Čmil. Takoje rašeńnie hruntujecca na Kanstytucyi krainy. Viedamstva taksama planuje admianić padatak na dadadzienuju vartaść z dublavanych na rodnuju movu stužak.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec13
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1717
Kamientary