82-hadovy brytaniec achviaravaŭ najbujniejšuju ŭ historyi sumu dla chvorych na Alchiejmiera
82-hadovy dantyst Malkalm Džojs addaŭ 1 młn funtaŭ dabračynnamu fondu dapamohi chvorym na Alchiejmiera, paśla taho jak žonka Džyn pamierła ad hetaha zachvorvańnia.
Jaho achviaravańnie stała najbujniejšym u historyi, atrymanym ad adnaho čałavieka, piša The Daily Mail.
Džojs kłapaciŭsia pra žonku z taho času, jak u 2008-m joj dyjahnastavali chvarobu. Fond, jakomu pajšli hrošy muža, dapamahaŭ žančynie zmahacca z zachvorvańniem.
Nie čakajučy, pakul jon sam adydzie ŭ inšy śviet, kab pieradać dabračynnaj arhanizacyi usie svaje źbieražeńni, Malkalm Džojs zrabiŭ heta jašče pry žyćci.
Žonka Małkolma zaŭsiody ŭdzielničała ŭ vałanciorskich prajektach, i heta natchniła jaho na ščodry žest.
«Ja lažaŭ u łožku niekalki miesiacaŭ tamu i dumaŭ: «Navošta rabić achviaravańnie ŭ budučyni, kali možna dapamahčy ludziam ciapier?», — raspavioŭ Džojs.
Ja zaŭsiody byŭ impulsiŭnym u pryniaćci rašeńniaŭ i zarabiŭ svaje hrošy dziakujučy lohkamu charaktaru. Ja vieru, što jość abaviazacielstvy pierad svajoj žonkaj — dapamahčy tym, chto ŭ hetym maje patrebu. Dla nas ź joj hrošy nikoli nie byli na pieršym miescy».
Upieršyniu mužčyna zaŭvažyŭ, što z Džyn niešta nie tak, kali jana paprasiła pryniać duš padčas pieralotu ŭ Aŭstraliju ŭ 2006 hodzie.
Im padali abied, a jana skazała: «Ja b chacieła pajści ciapier u duš, kachany». «Ja tady adkazaŭ Džyn: my ž u samalocie, - zhadvaje Malkalm.
Padčas taho adpačynku jana pavodziła siabie jak dzicia, ale my navat nie padazravali, što chvaroba daje pra siabie znać».
Atrymaŭšy kančatkovy dyjahnaz, Džyn Džojs, jakaja ŭsio žyćcio zachaplałasia tancami i vakałam, stała razdražnialnaj i časam ahresiŭnaj da svajho muža.
Malkalm kłapaciŭsia pra jaje praciahły čas, pakul daktary nie znajšli rak kišečniku ŭ jaho samoha. Tady Džyn pryjšłosia pierajści pad apieku dabračynnaj arhanizacyi.
Jon addaŭ usie svaje hrošy, kab dapamahčy inšym param pieraadolvać nastupstvy chvaroby Alchiejmiera.
«U mianie dobraja piensija, i ja nie zacykleny na hrošach, - padzialiŭsia Malkalm. Ja — antymateryjalist, tamu pazbavicca źbieražeńniaŭ dla mianie sapraŭdy było razumna. Ja prosta vielmi ŭdziačny ludziam, jakija dapamahali nam z Džyn uvieś hety čas».
Dyrektar fondu Džeremi Nadžes raspavioŭ, što dapamoha Małkolma — samaja vialikaja z usich, što im davodziłasia atrymlivać.
«Dziakujučy jamu pierakanajem bolš ludziej, možam dapamahčy im žyć z hetym składanym zachvorvańniem», - padsumavaŭ Nadžes.
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary