U Biełarusi źjavicca anałah 911 — adziny numar dla vykliku ekstrannych słužbaŭ. Pra heta na kruhłym stale ŭ multymiedyjnym pres-centry Sputnik raspaviała namieśnik načalnika hałoŭnaha ŭpraŭleńnia arhanizacyi miedycynskaj dapamohi Ministerstva achovy zdaroŭja Biełarusi Ludmiła Žylevič.
— U chutkim časie numar vykliku ekstrannych słužbaŭ stanie adzinym — zaraz vyśviatlajucca techničnyja aśpiekty, pytańni pieradačy kanałaŭ, — patłumačyła Ludmiła Žylevič.
Ciapier, nahadajem, biełarusam pry vykliku MNS treba telefanavać pa telefonie 101, pry vykliku milicyi — 102, pry vykliku chutkaj - 103.
Tym nie mienš, pa słovach Ludmiły Žylevič, i siońnia, pry zvarocie ŭ adnu z ekstrannych słužbaŭ, dyśpietčar nie budzie prasić pieratelefanavać pa inšym numary, a sam pieraklučyć na kanał patrebnaj słužby.
Kamientary