Žabinkaŭski rajonny adździeł Śledčaha kamiteta pravodzić pravierku pa fakcie śmiarotnaha traŭmavańnia na vytvorčaści 26-hadovaha hruzčyka čyhunačnaha cecha AAT «Žabinkaŭski cukrovy zavod».
Jak paviedamiła aficyjny pradstaŭnik upraŭleńnia Śledčaha kamiteta pa Bresckaj vobłaści Maryna Drańkova, niaščasny vypadak adbyŭsia 14 kastryčnika kala 2.10 na terytoryi pradpryjemstva, kali mužčyna ŭ składzie bryhady načnoj źmieny ažyćciaŭlaŭ razhruzku vahona. Dla hetaha nieabchodna było z dapamohaj śpiecyjalnaj žerdki adkryć zapornyja pryłady lukaŭ hruzavoha vahona.
Pavodle papiaredniaj viersii, adzin ź miechanizmaŭ zaklinavała, i 26-hadovy rabočy pasprabavaŭ jaho vybić kuvałdaj. U hety momant luk adkryŭsia, z-za čaho kuvałdu adkinuła, i jana mietaličnaj častkaj udaryła hruzčyka pa hałavie. Kalehi mužčyny, ubačyŭšy, što toj upaŭ na rejki, padbiehli da jaho i vyklikali chutkuju dapamohu. Miedyki kanstatavali śmierć rabočaha. Jon žyŭ u Žabincy.
Śledčyja vyśviatlajuć abstaviny zdareńnia. Apytanyja kalehi, kanfiskavanaja dakumientacyja pa technicy biaśpieki. Pryznačanaja sudova-miedycynskaja ekśpiertyza.
Kamientary