Alaksandr Łukašenka na sustrečy z prezidentam Tatarstana Rustamam Minichanavym u Minsku prapanavaŭ pryciahnuć «Biełarusnaftu» dla pracy ŭ naftavaj halinie Tatarstana.
Pavodle słoŭ Łukašenki, supracoŭnictva Biełarusi i Tatarstana ŭ naftahazavaj śfiery źjaŭlajecca važnym napramkam. «Ja b vielmi prasiŭ vas - u nas jość dobraja kampanija «Biełarusnafta», ale abjomy zdabyčy ŭ nas padajuć. U svoj čas naftu vypampavali i vyvieźli ź Biełarusi. Tamu my chacieli b, kab naša kampanija znajšła ŭ vas abjomy rabot. Paviercie, heta budzie značna tańniej lubych kampanij. Kab pa subpadradzie ci jašče niejak «Biełarusnafta» pracavała z vami. Dumaju, uličvajučy našyja dobryja adnosiny, vy znojdziecie vyhadny kavałak pracy dla hetaj kampanii i abaviazkova z vyhadaj dla siabie», - skazaŭ kiraŭnik Biełarusi.
U suviazi z hetym Alaksandr Łukašenka adznačyŭ, što «Biełarusnafta» maje dobry dośvied pracy ŭ inšych krainach śvietu.
«Biełarusnafta» ŭžo aktyŭna pracuje na rasijskim rynku. 21 vieraśnia byŭ padpisany niekalki pahadnieńniaŭ ab supracoŭnictvie ź Ciumienskaj vobłaściu.
Kamientary