Najbujniejšyja roźničnyja sietki vystupajuć kateharyčna suprać ukaza, jaki robić bolš žorstkimi ŭmovy realizacyi ałkaholnaj pradukcyi, i prahnazujuć niehatyŭnyja nastupstvy dla rynku ŭ vypadku jaho pryniaćcia.
Pra heta zajaŭlena 20 kastryčnika na pres-kanfierencyi ŭ Minsku.Jak paviedamiła vykanaŭčy dyrektar Asacyjacyi roźničnych sietak Taćciana Zakžeŭskaja, padrychtavany prajekt ukaza prezidenta praduhledžvaje, što ałkaholnaja pradukcyja moža pradavacca tolki z 9.00 da 21.00.
«Akramia hetaha, prajekt dziaržaŭnaha rašeńnia praduhledžvaje stvareńnie adasoblenych padraździaleńniaŭ ŭnutry mahazin z asobnymi kasami. Mahazinam z płoščaj mienšaj za 300 kvadratnych mietraŭ budzie nierealna vykanać hetaje patrabavańnie, pryniaćcie prajekta dziaržrašeńnia pryviadzie da nievierahodnych nastupstvaŭ dla rynku», — padkreśliła Zakžeŭskaja.
Kiraŭniki bujnych roźničnych sietak, jakija prysutničali na pres-kanfierencyi, zajavili, što pryniaćcie ŭkaza ŭ padrychtavanym vyhladzie pryviadzie da zakryćcia mnohich mahazinaŭ.
«U vypadku pryniaćcia ŭkaza z 17 mahazinaŭ u našaj sietcy siem-vosiem nie zdolejuć vykanać normy dakumienta. Adpaviedna, ad hetych mahazinaŭ nam daviadziecca admovicca, kab nie dapuścić bankructva ŭsioj našaj roźničnaha sietki», — zajaviŭ hienieralny dyrektar «Pasthandlu» Siarhiej Smolski.
U svaju čarhu hiendyrektar roźničnaj sietki «Rubloŭski» Natalla Šablinskaja adznačyła, što z 71 kramy sietki vykanać patrabavańni padrychtavanaha ukaza zdolejuć tolki dźvie.
«U 20 mahazinach spatrebiacca surjoznyja inviestycyi, heta značyć kapitalnyja vydatki, dla vykanańnia normaŭ padrychtavanaha prajekta ŭkaza ŭ vypadku jaho pryniaćcia. A ŭ astatnich mahazinach my prosta nie zmožam ničoha zrabić, kab pryvieści ich u adpaviednaść z normami dakumienta», — skazała Šablinskaja, padkreśliŭšy, što novaŭviadzieńni vykličuć skaračeńnie roźničnaha tavaraabarotu.
Na jaje dumku, pryniaćcie takoha dziaržaŭnaha rašeńnia pryviadzie da rostu cen na spažyvieckim rynku. «Kampiensavać straty, źviazanyja z realizacyjaj padrychtavanaha prajekta dziaržaŭnaha rašeńnia, my nie zmožam inakš jak pavyšeńniem cen na realizacyju tavaraŭ, čaho nam vielmi nie chaciełasia b rabić», — padkreśliła Šablinskaja.
Hetyja aściarohi padzialaje hiendyrektar «Jeŭrahandlu» (sietka mahazinaŭ «Jeŭraopt») Andrej Zubkoŭ. «Roźničny tavaraabarot za dzieviać miesiacaŭ źniziŭsia na 3,1%. Ałkahol prysutničaje ŭ 40% čekaŭ, tamu kali budzie pryniaty padrychtavany prajekt ukaza, heta adnaznačna pryviadzie da dalejšaha skaračeńnia tavaraabarotu», — zajaviŭ jon.
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary