Śpiecyjalisty: Nasielnictva Biełarusi niedastatkova viedaje pra mietady sučasnaj kantracepcyi
Nasielnictva Biełarusi demanstruje nizkaje viedańnie mietadaŭ kantracepcyi, zajaviła zahadčyca kafiedry akušerstva i hiniekałohii Biełaruskaha dziaržaŭnaha mieduniviersiteta Ludmiła Mažejka 21 kastryčnika ŭ Minsku na respublikanskaj navukova-praktyčnaj kanfierencyi ź mižnarodnym udziełam «Sučasnyja pierynatalnyja miedycynskija technałohii ŭ vyrašeńni prablem demahrafičnaj biaśpieki».
Kantracepcyju nieabchodna rekamiendavać žančynam z padletkavaha ŭzrostu. Vopyt Biełarusi i Rasii pakazvaje, što ŭzrovień kantracepcyi niedastatkovy, skazała Mažejka.
Zhodna sa źviestkami Ministerstva achovy zdaroŭja, sučasnym mietadam kantracepcyi — harmanalnymi pilulami — u Biełarusi karystajucca nie bolš za 13% žančyn. Heta mienš, čym u šerahu inšych krain. Naprykład u Hiermanii hety mietad kantracepcyi ŭžyvajuć pryblizna 37% žančyn dzietarodnaha ŭzrostu, u Rasii — 15%.
Dla Biełarusi aptymalnym źjaŭlajecca vykarystańnie harmanalnych kantraceptyvaŭ 50-55% žančyn repraduktyŭnaha ŭzrostu.
Na dumku Mažejki, pryčynaj nizkaha ŭzroŭniu vykarystańnia harmanalnych kantraceptyvaŭ źjaŭlajecca toje, što ŭ nasielnictva zastalisia sastarełyja ŭjaŭleńni pra toje, što kantracepcyja škodnaja dla zdaroŭja. «Na žal, i va ŭračoŭ nie zaŭsiody stanoŭčaje staŭleńnie da kantracepcyi, nie ŭsie razumiejuć jaje važnaść. Tamu i zastajecca vysokim pracent abortaŭ», — skazała ŭrač.
Mienavita na miedycynskich rabotnikach lažyć adkaznaść pa infarmavańni nasielnictva ab mietadach kantracepcyi, zajaviła načalnik adździeła dapamohi maci i dzieciam Ministerstva achovy zdaroŭja Ludmiła Lohkaja.
Jana adznačyła, što žančyny repraduktyŭnaha ŭzrostu nazirajucca z peŭnaj pieryjadyčnaściu ŭ hiniekołaha, a padčas ciažarnaści da 20 razoŭ byvajuć u jaho na pryjomie. Pry takoj častacie, skazała Lohkaja, łahična čakać, što miedyki pravodziać hutarki ab srodkach kantracepcyi.
Kab heta adbyvałasia bolš jakasna, u prahramu navučańnia miedykaŭ na ŭzroŭni pieraddypłomnaj i paśladypłomnaj adukacyi nieabchodna ŭnieści karektyvy, ličyć pradstaŭnik Ministerstva achovy zdaroŭja.
-
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
-
Staŭ viadomy prysud padpałkoŭniku Čaramnych, jakoha abvinavačvali ŭ zdradzie dziaržavie
-
«Adčuła plavok — i ŭsie śmiajucca». U polskim Bydhaščy siamja napała na muža i žonku ź Biełarusi
Ciapier čytajuć
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli2
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2222
Kamientary