U NATA zaćvierdžana kandydatura na novuju pasadu — kiraŭnika raźviedki aljansu, jaki zojmiecca «palapšeńniem abmienu infarmacyjaj i kontrterarystyčnaj kaardynacyjaj», piša The Wall Street Journal sa spasyłkaj na krynicy.
Jak udakładniaje vydańnie, havorka idzie pra pasadu pamočnika hienieralnaha sakratara ŭ halinie raźviedki. Pa słovach surazmoŭcaŭ vydańnia, na pasadu hienieralny sakratar NATA Jens Stołtenbierh zaćvierdziŭ Arnta Frejtaha fon Łarynhchoviena, byłoha namieśnika kiraŭnika raźviedki ŭ Hiermanii.
Značnaja častka jaho pieršapačatkovaj pracy budzie sfakusavanaja na «palapšeńni abmienu raźvieddadzienymi» nakont «naroščvańnia vajennaj mocy Rasii», adznačyli krynicy. Akramia taho, novaja pasada, dadali surazmoŭcy haziety, moža dapamahčy palepšyć kontrterarystyčny abmien raźviedvalnaj infarmacyjaj.
Kamientary