Nacyjanalny aeraport Minsk atrymaŭ status chaba dziakujučy tranzitnym pieravozkam pamiž Rasijaj i Ukrainaj, zajaviŭ 2 listapada na pres-kanfierencyi hienieralny dyrektar RUP «Nacyjanalny aeraport Minsk» Dźmitryj Mielikian.
Pavodle jaho słoŭ, status chaba aeraport atrymaŭ dziakujučy aktyŭnaj pracy razam z avijakampanijaj «Biełavija». «Tamu što tranzit pasažyraŭ, jakija latajuć z Rasijskaj Fiederacyi va Ukrainu i nazad, pavialičyŭsia da toj ličby, jakaja nieabchodna dla taho, kab aeraport nazyvaŭsia chabam», — adznačyŭ Mielikian.
Tak, pa vynikach 9 miesiacaŭ bolš za 33% pasažyraŭ, jakija absłuhoŭvajucca Nacyjanalnym aeraportam Minsk, źjaŭlalisia tranzitnymi. «U dalejšym dziakujučy pašyreńniu hieahrafii palotaŭ «Biełavija» i najaŭnaści sučasnaj tranzitnaj zony dadzieny patencyjał moža być pavialičany», — adznačyŭ hiendyrektar nacyjanalnaha aeraporta.
U pryvatnaści, pavodle jaho słoŭ, da kanca 2016 hoda aeraport raźličvaje vyjści na pakazčyk u 3,5 młn pasažyraŭ u hod. «Papiarednie raźličvajem, što 9-10 listapada ŭpieršyniu ŭ historyi hramadzianskaj avijacyi Biełarusi my sustreniem 3-miljonnaha pasažyra z pačatku hoda», — skazaŭ Mielikian.
Pavodle jaho słoŭ, raboty pa dalejšaj madernizacyi aeraporta i budaŭnictva druhoj uźlotna-pasadačnaj pałasy praciahvajucca ŭ adpaviednaści z zaćvierdžanymi płanami. «Ale i na isnujučaj pałasie madernizavali sihnalnaje abstalavańnie. My padniali katehoryju pałasy, ciapier možna ŭ lubych umovach nadvorja ažyćciavić pasadku», — dadaŭ hiendyrektar.
Akramia taho, u aeraporcie zamieniać teleskapičnyja trapy, jakija vykarystoŭvajucca ŭžo 30 hadoŭ. «Vy ŭbačycie, što heta buduć zusim inšyja teleskapičnyja trapy. Sioleta płanujecca zamiena dvuch, u nastupnym hodzie daviadziom ich lik da siami», — skazaŭ Dźmitryj Mielikian.
Nacyjanalny aeraport Minsk — pieršy mižnarodny aeraport Biełarusi, siertyfikavany ŭ adpaviednaści ź mižnarodnymi standartami. Tut bazirujucca avijakampanija «Biełavija» i hruzavyja avijapieravozčyki. Paloty vykonvajucca bolš jak pa 40 mižnarodnych kirunkach — u Jeŭropu, na Blizki Uschod, u inšyja rehijony.
Aeraport byŭ uviedzieny ŭ ekspłuatacyju bolš za 30 hadoŭ tamu i źjaŭlajecca asnoŭnym pavietranym portam krainy, praź jaki vykonvajecca da 97% pasažyrskich i hruzavych avijapieravozak.
Ciapier čytajuć
Dziela finału čempijanatu śvietu minskaje mietro pracavała da 1:00. A matč skončyŭsia paźniej3
Dziela finału čempijanatu śvietu minskaje mietro pracavała da 1:00. A matč skončyŭsia paźniej
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać1818
Kamientary