Premjer-ministr Rasii Dźmitryj Miadźviedzieŭ zajaviŭ, što źmiena ŭłady ŭ Siryi pavinna adbycca palityčnym šlacham i što ŭ vyniku Bašar Asad moža syści z pasady. Adnak ciapier, adznačyŭ premjer, Asad źjaŭlajecca «adzinym lehalna dziejučym orhanam ułady ŭ Siryi», paviedamlaje Bi-bi-si.
«Da jaho [Bašara Asada] možna pa-roznamu stavicca: chtości jaho lubić, chtości jaho nie lubić. Pytańnie nie ŭ hetym. Pytańnie ŭ tym, što ŭ sapraŭdny momant jon adziny lehalna dziejučy orhan ułady ŭ Siryi, lehitymny prezident», - zajaviŭ Miadźviedzieŭ u intervju Druhomu telekanału Izraila napiaredadni svajho vizitu ŭ hetuju krainu.
Miadźviedzieŭ dadaŭ, što dapuskaje ŭźniknieńnie pa vynikach pieramovaŭ u Siryi całkam novaha ŭrada, biez udziełu ciapierašniaha prezidenta.
«Pavinna paŭstać novaja palityčnaja kanstrukcyja. Ci budzie ŭ joj miesca dla Bašara Asada ci jašče kahości, my nie viedajem, heta nie naša sprava, chaj vyrašajuć sami siryjcy», - skazaŭ jon.
Tym nie mienš, zajaviŭ Miadźviedzieŭ, akazańnie vajennaj dapamohi Asadu adpaviadaje nacyjanalnym intaresam Rasii.
Ciapier čytajuć
22‑hadovy Viktar z-pad Klecka pratrymaŭsia na froncie miesiac. A paśla baćki pierasvarylisia, dzielačy hrabavyja10
Kamientary