Pradstaŭniki bolš jak 60 krain, u tym liku Biełarusi, udzielničajuć u piatym Suśvietnym forumie ŭ padtrymku demakratyi, jaki adkryŭsia 7 listapada ŭ Strasburhu.
Mierapryjemstva arhanizavana Savietam Jeŭropy. Asnoŭnaj temaj forumu, jaki praciahniecca da 9 listapada, stanie ŭzajemasuviaź pamiž adukacyjaj i demakratyjaj. Udzielniki forumu abmiarkujuć, jakuju rolu adyhryvaje adukacyju ŭ vychavańni hramadzian jak aktyŭnych členaŭ hramadstva, i jak šlacham prasoŭvańnia inavacyj i reformaŭ adukacyja moža spryjać palapšeńniu mahčymaściaŭ dla ŭsich členaŭ hramadstva.
Na forumie čakajecca vystup hienieralnaha sakratara Rady Jeŭropy Turbjerna Jahłanda, premjer-ministra Narviehii Jerny Sołbierh, ministr adukacyi Francyi Nadžad Vało-Biełkasiem.
U ramkach mierapryjemstva adbudziecca ŭručeńnie premij za demakratyčnyja inavacyi.
U forumie ŭdzielničaje bolš jak tysiača aktyvistaŭ, palityčnych lidaraŭ, deputataŭ, pradstaŭnikoŭ hramadzianskaj supolnaści i ŚMI. U ich liku — udzielniki škoł palityčnych daśledavańniaŭ Rady Jeŭropy, sietka jakich isnuje ŭ mnohich krainach śvietu.
Uschodniejeŭrapiejskaja škoła palityčnych daśledavańniaŭ, jakaja nabiraje słuchačoŭ ź Biełarusi, dziejničaje ad 2007 hoda, adnak da hetaha času tak i nie zmahła aficyjna zarehistravacca ŭ Biełarusi.
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary