Raman «Soniečny harset», napisany irłandcam Majkam MakKormiekam, atrymaŭ prestyžnuju premiju Hołdśmickaha ŭniviersiteta, jakaja prysudžajecca za navacyi ŭ litaraturnaj formie. Vydadzieny na 223 staronkach raman całkam składajecca z adnaho doŭhaha skaza, piša VVS.
U ramanie raspaviadajecca pra inžyniera Markusa Konueja, jaki nienadoŭha ŭvaskros ź miortvych.
Kamientujučy vybar žury konkursu, jaho staršynia prafiesar Błejk Morysan adznačyŭ, što piśmieńniku ŭdałosia nieardynarna adlustravać žyćcio zvyčajnaha rabočaha čałavieka.
«Palityka, siamja, mastactva, šlub, zdaroŭje, hramadzianski abaviazak i ekałohija — tolki niekatoryja temy, jakija zakranaje aŭtar u chodzie apoviedu, vykananaha liryčnaj, ale mocnaj prozaj», — prakamientavaŭ sudździa.
51-hadovy MakKormiek staŭ trecim za apošnija try hady aŭtaram ź Irłandyi, jakija atrymali prestyžnuju ŭznaharodu i premiju ŭ 10 tysiač funtaŭ (kala 12 500 dalaraŭ).
Litaraturnaja premija Hołdśmickaha ŭniviersiteta była zasnavanaja ŭ 2013 hodzie. Piśmieńniki, jakija atrymlivajuć premiju, amal zaŭsiody atrymlivajuć šyrokaje pryznańnie.
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary