Aŭtamabil Honda Civic uviečary 11 listapada sutyknuŭsia z «MAZam» na darozie Babrujsk — Lubań — Čyrvonaja Słabada pablizu vioski Dokal Hłuskaha rajona Mahiloŭskaj vobłaści.
Jak paviedamiła aficyjny pradstaŭnik USK pa Mahiloŭskaj vobłaści Aksana Salaniuk, DTZ adbyłosia kala 20.00. 30-hadovaja žančyna, kirujučy lehkavym aŭtamabilem, ruchajučysia z boku Hłuska, sutyknułasia z aŭtamabilem «MAZ 544069», jaki jechaŭ pa pałasie sustrečnaha ruchu.
U vyniku sutyknieńnia pasažyry — 63-hadovaja žančyna i 6-hadovaja dziaŭčynka — maci i dačka kiroŭcy — zahinuli na miescy. 10-hadovaja pasažyrka Honda Civic i pasažyr «MAZa» špitalizavanyja. «Kiroŭcy abodvuch aŭtamabilaŭ nie paciarpieli. Pavodle papiaredniaj infarmacyi abodva kiroŭcy znachodzilisia ŭ ćviarozym stanie», — adznačyła Salaniuk.
Pa fakcie DTZ śledčyja orhany raspačali spravu pa častcy 3 artykuła 317 KK (parušeńnie praviłaŭ darožnaha ruchu abo ekspłuatacyi transpartnych srodkaŭ, što paciahnuła pa nieaściarožnaści śmierć dźviuch asob) Kryminalnaha kodeksa Respubliki Biełaruś.
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary