Ihar Dadon, lidar Partyi sacyjalistaŭ, što vystupaje za zbližeńnie z Rasijaj, pieramoh na prezidenckich vybarach u Małdovie.
Paśla padliku 99,8% biuleteniaŭ Dadon nabiraje 52,4% hałasoŭ.
Jahonaja supiernica — adziny kandydat ad prajeŭrapiejskaj apazicyi, kiraŭnica Partyi dziejańnia i salidarnaści (PDS) Maja Sandu dasiahnuła padtrymki 47,6% vybarcaŭ.
Pieramohi Dadon dasiahnuŭ u tym liku za košt hałasoŭ prarasijskaj aŭtanomii Hahauzija, dzie jamu naličyli 99,1% hałasoŭ, i ŭčastkaŭ u Prydniastroŭi, dzie ŭ druhim tury ŭziali ŭdzieł bolš vybarcaŭ, čym u pieršym.
41-hadovaha Dadona padtrymlivała Maskva. Jon prapanuje razarvać damovy ab svabodnym handli ź Jeŭrasajuzam i ŭvajści ŭ Jeŭrazijski ekanamičny sajuz.
Małdova — parłamienckaja respublika, prezident u joj maje bolš cyrymanijalnyja funkcyi. Adnak Dadon moža vykarystać mandat dla źmieny bałansu sił.
Kamientary