Ruch «Miemaryjał» apublikavaŭ na svaim sajcie daviednik «Kadravy skład orhanaŭ dziaržaŭnaj biaśpieki SSSR. 1935-1939», z dadzienymi ab 39 950 supracoŭnikaŭ NKUS, jakija pracavali ŭ orhanach dziaržbiaśpieki, u tym liku ŭ Biełarusi.
Baza raźmieščana pa adrasie nkvd.memo.ru i realizavana jak sajt viki. Šukać piersanalii možna jak pa ałfavicie, tak i pa miescach słužby, zvańniach i ŭznaharodach, a taksama pa katehoryi «represavanyja». U kartcy pakazvajucca taksama, u zaležnaści ad paŭnaty źviestak ab kankretnym čałavieku, daty pačatku i kanca słužby.
Asnoŭnaj krynicaj dla bazy byli zahady NKUS pa asabovym składzie — naprykład, ab prysvajeńni śpiecyjalnych zvańniaŭ abo ab zvalnieńni. «Infarmacyja z zahadaŭ dapoŭnienaja bijahrafičnymi dadzienymi ź inšych krynic - u pieršuju čarhu, pra zahinułych i źnikłych bieź viestak u hady Vialikaj Ajčynnaj vajny, a taksama ab represavanych», — paviedamili ŭ «Miemaryjale».
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1010
Kamientary