U paŭnočnych i centralnych rajonach krainy čakajecca ŭzmacnieńnie zachodniaha vietru paryvami da 15—20 m/s, jaki budzie supravadžacca mokrym śnieham i daždžom. Umovy nadvorja na terytoryi Biełarusi buduć vyznačać atmaśfiernyja franty ad cykłonu z centram nad poŭnačču Skandynavii, jaki ŭ dalejšym zrušycca na Vierchniuju Vołhu, piša BiełaPAN.
Pra heta paviedamiŭ načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Dźmitryj Rabaŭ.
U subotu, 26 listapada, nočču pa paŭnočnaj pałovie, dniom na bolšaj častcy terytoryi krainy karotkačasovyja apadki (mokry śnieh, doždž), słaby hałalod, nočču i ranicaj miescami na darohach hałalodzica. Pa poŭdni słaby tuman. Viecier zachodni, paŭdniova-zachodni 5—10 m/s, paryvy da 14 m/s, ranicaj i dniom u paŭnočnych i centralnych rajonach paryvy da 15—20 m/s. Tempieratura nočču minus 4 — plus 1°S, dniom plus 1—7°S.
U Minsku vobłačna, karotkačasovyja apadki (mokry śnieh, doždž), słaby hałalod, nočču i ranicaj miescami na darohach hałalodzica. Viecier zachodni, paŭdniova-zachodni 5—10 m/s, nočču paryvy da 14 m/s, dniom paryvy da 15—18 m/s. Tempieratura nočču 0 — minus 2°S, dniom plus 1—3°S.
U niadzielu, 27 listapada, na bolšaj častcy terytoryi apadki (mokry śnieh, doždž). Nočču i ranicaj u asobnych rajonach słaby hałalod, na darohach hałalodzica. Nočču ŭ paŭnočnych i centralnych rajonach uzmacnieńnie vietru paryvami da 15—20 m/s. Tempieratura nočču minus 2 — plus 4°S, dniom minus 1 — plus 5°S.
U Minsku vobłačna, karotkačasovyja apadki (mokry śnieh, doždž), słaby hałalod, nočču i ranicaj miescami na darohach hałalodzica. Viecier zachodni, paŭdniova-zachodni 5—10 m/s, nočču paryvy da 15—18 m/s, dniom da 14 m/s. Tempieratura nočču plus 1—3°S, dniom kala 3°S ciapła.
«Dalej pachaładaje U pačatku nastupnaha tydnia ŭśled za chałodnym frontam na terytoryju krainy čakajecca pastupleńnie chałodnych pavietranych mas arktyčnaha pachodžańnia z poŭnačy Jeŭropy, što pryviadzie da panižeńnia tempieratury pavietra», — paviedamiŭ Rabaŭ.
U paniadziełak, 28 listapada, na bolšaj častcy terytoryi karotkačasovy śnieh, słabaja miacielica. Na asobnych učastkach daroh hałalodzica. Ranicaj i dniom pa zachadzie ŭzmacnieńnie vietru paryvami da 15—18 m/s. Tempieratura pavietra na praciahu sutak 0 — minus 7°S.
Kamientary